• USD 468.56

  • EUR 497.56

  • RUB 7.3

  • CNY 67.18

28 Naýryz, 21:16:30
Almaty
+35°

Almaty ákimdigi tanymal blogerler jáne vaınerlermen birge naýqan bastady, olardyń ishinde kásipker Qaırat Qudaıbergen, vaıner, akter Meıirjan Tórebaev, bloger Beıbit Álibekov, tanymal kris_p_brothers_official paraqshasynyń blogeri Vladımır Volkov, ZTB.kz pablıginiń avtory, bloger Marǵulan Tursynov, akter, vaıner Azım Saıdbaev jáne taǵy basqalar.

Jalpy, naýqan eń aldymen COVID-19 vırýsynyń aýyr túrimen aýyratyn naýqastardy emdeý úshin koronavırýstyq ınfeksııalardan plazmany tartýǵa baǵyttalady.

Qazirgi ýaqytta Almaty qalasynda koronavırýstan emdelip, 8000-nan astam naýqas shyǵaryldy.

Árbir aýrýdan aıyqqan jan antıdenelerdiń bar-joǵyna synama bere alady. Bul prosedýrany buryn Respýblıkalyq qan ortalyǵynda ótýge bolatyn edi, endi 2020 jyldyń 5 tamyzynan bastap aýrýdy basynan ótkergen árbir adam Qalalyq qan ortalyǵynda test tapsyra alady. Atalmysh prosedýra aýyrtpalyqsyz jáne qaýipsiz.

Immýndyq donorlardy qabyldaý koronavırýs ınfeksııanyń antıdeneler tıtriniń bolýyna baılanysty saýyqqannan keıin 2 aıǵa deıin júrgiziledi, ıaǵnı saýyqqan kezden bastap kóp ýaqyt ótse, donor qanynda antıdeneler az bolady.

«О́zderińiz biletindeı, men bul ınfeksııadan aýyryp jazyldym jáne búgin plazma tapsyrdym, ol koronavırýspen aýyryp jatqan aýyr naýqastardy emdeýge kómektesedi dep oılaımyn», – deıdi Qaırat Qudaıbergen.
Tanymal bloger Vladımır Volkovtyń aıtýynsha, qala ákimdigimen birlesken bul aksııa qoǵam men halyqtyń nazaryn aýyr naýqastarǵa qan tapsyrýǵa aýdarý úshin ótkizilip jatyr.

«Dostar, biz búgin osynda «О́mirge úmit syıla» aksııasy boıynsha jınaldyq. Biz bul máselege beı-jaı qaramaıtyndardyń barlyǵyn kómek qolyn sozyp, plazmany tapsyrýǵa shaqyramyz, óıtkeni bul bireýdiń ómirin qutqara alady», - dedi ol.

Almaty qalalyq qan ortalyǵynyń dırektory Jandos Nadırovtyń aıtýynsha, ımmýndyq donorlardy qabyldaý kezinde aýrýdyń anamnezi qosymsha jınalady, jalpy terapevt dárigerine qaralý kezinde jáne AITV 1,2 gemotransfýzııalyq ınfeksııasyna, V gepatıtine, S gepatıtine, merezge, sondaı-aq antıdeneler tıtrin anyqtaı otyryp, koronavırýs ınfeksııasyna aldyn ala tekserýden ótedi. Immýndyq donorlardyń test nátıjelerin kútý ýaqyty 1 saǵatty quraıdy. Kez kelgen jumys kúninde ár adam tańǵy saǵat 9:00-den túski saǵat 12:00-ge deıin qan tapsyra alady.

Bir donordan 600 mıllılıtr plazma alynady, al juqtyrǵan adam úshin 200 ml jetkilikti. Osyǵan baılanysty bir donordyń arqasynda koronavırýspen aýyratyn úsh naýqasty emdeýge bolady. Plazmanyń mundaı kólemin alý ǵylymı negizdelgen jáne donordyń densaýlyǵyna zııan keltirmeıdi.
2020 jyldyń 5 tamyzynan bastap Qan ortalyǵyna 20 adam júgindi, onyń ishinde 12 donor jiberildi.

Aıta ketý kerek, bul plazmalyq bank qala ákimi B.Saǵyntaevtyń tapsyrmasy boıynsha pandemııa jaǵdaıynda Almaty turǵyndarynyń ómiri men densaýlyǵyn qorǵaý boıynsha jasalǵan qalalyq is-sharalar josparynyń aıasynda quryldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir