11 Tamyz, 2020 NEWS

Atyraýlyq Azııa chempıonyn qasaqana óltirip ketti

azh.kz

Grepplıngten Azııa chempıony atyraýlyq Esenbek Sıǵýatov júreginen oq jaraqatyn alyp, oqıǵa ornynda jan tapsyrdy. Bul týraly azh.kz habarlady.

Oqıǵa 9 tamyzǵa qaraǵan túni qala mańyndaǵy Damba men Qurmanǵazy aýyldarynyń mańynda bolǵan.

Oblystyq sport basqarmasy áleýmettik jelidegi paraqshasynda marqumnyń týystaryna kóńil aıtty.

"Talantty jas sportshy, grepplıng, qoıan-qoltyq urys jáne djıý-djıtsý kúresterinen Atyraý oblysy qurama komandasynyń múshesi, jasóspirimder arasynda álem jáne Azııa chempıonattarynyń birneshe dúrkin jeńimpazy Sıǵýatov Esenbek Toqsanbaıulynyń mezgilsiz qaza bolýyna baılanysty Atyraý oblysy sporttyq qoǵamy atynan marqumnyń otbasy, týǵan-týystaryna qaıǵyryp kóńil aıtamyz.

Salaýatty ómir saltyn boıyna serik etip, jas ta bolsa álemdik dodalarda oblysymyzdyń, qala berdi elimizdiń namysyn abyroımen qorǵaǵan órenimizdiń qazasy týraly qaraly habar qabyrǵamyzdy qaıystyrdy. Jaratýshy Iemiz Alla aldynan jarylqasyn. Sportshymyzdyń jarqyn beınesi eshqashan umytylmaıdy" delingen jelidegi jazbada.

 

Ilmek sózder: Atyraý sport

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir