DDSU: Qytaıda ólim koeffısıenti 100 paıyzǵa jetetin aýrý tarap jatyr

Qytaıdyń Ishki Mońǵol provınsııasyn bobýon obasy sharpyp, elde ekinshi ret karantın jarııalandy. Bul týraly brıtanııalyq Deılı Ekspress Gazeti jazdy.

Provınsııanyń Baıanýr qalasynda er adam ólimge ákeletin aýrýdy juqtyrǵannan keıin kóptegen dene músheleri jumysynyń buzylýynan qaıtys bolǵan. Bılik er adam qaza tapqan soń, aýyl karantınge jabylǵanyn málimdegen. Bul sońǵy birneshe apta ishinde karantınge alynǵan ekinshi aýyl boldy.

Baıanýrdaǵy bılik ókilderi "qaıtys bolǵan adamnyń turǵylyqty jeri jabyq, al epıdemıologııalyq tergeý júrgizilip jatyr. Qazirgi ýaqytta bizdiń qalamyzda adam obasynyń taralý qaýpi bar" dep málimdedi.

О́tken beısenbide býbon obasynan taǵy bir adam qaıtys bolǵan.

Derek irgeles Baoto qalasynda tirkelgen.

Mamandardyń túsindirýinshe, mundaı ekstremaldy sharalardyń sebebi – býbon obasy óte juqpaly jáne jıi ólim kórsetkishi joǵary.

Qytaıda taralǵan bul aýrý jaıly Dúnıejúzilik densaýlyq saqtaý uıymy (DDSU) "Býbon obasy ólim-jitiminiń koeffısıenti 30 paıyzdan joǵary, eger emdelmegen bolsa, 100 paıyzǵa deıin bolady" dep málimdedi.

Buǵan deıin býbon obasynyń Qytaı men Mońǵolııada taralyp, adamdar qaıtys bolǵany habarlanǵan. Orta ǵasyrlarda 100 mıllıonnan astam adamdy ómirinen aıyrǵan "Qara ólim" degen atpen tanymal bolǵan býbon obasy AQSh-tyń Kolorado shtatynda da rastalǵan.