Batystyq BAQ Belorýstegi narazylyq týraly ne jazyp jatyr?

Belarýste prezıdent saılaýynan keıin ekinshi kún qatarynan azamattar jappaı narazylyqqa shyǵyp jatyr. Bul jaıtty álemdik BAQ jiti baqylýda, dep jazady BBC-diń orys qyzmeti.

Financial Times-tyń dereginshe, myńdaǵan sherýshi ózderine qarsy qatty dybys shyǵaratyn jarqyldaq granata men kózden jas shyǵaratyn gaz qoldanylǵanyna qaramastan, avtorıtarlyq bılikke qarsylyǵyn jalǵastyryp jatyr. Belarýstegi jaǵdaıdyń jaqyn kúnderi qalaı órbıtini ázirge belgisiz. Biraq ózgeris kezeńi kelip jetti.

Eger jaǵdaı osylaı jalǵasa berse, Lýkashenko bıligine qater tónedi. Alaıda batys 2014 jylǵy Ýkraına jaǵdaıy kezindegideı, Reseı prezıdenti Vladımır Pýtınge qarsy turýǵa qanshalyqty ázir ekenin sheship alýǵa tıis. Pýtın Belarýsti Máskeý yqpalynan shyǵaryp alǵysy kelmeıtini anyq.

Alaıda belarýs qoǵamynyń ózderi qalaǵan erkindik pen plıýralızmge sáıkes keletin júıe men bılikti qurýǵa nıeti qandaı bolatyny da mańyzdy.

Guardian-nyń habarlaýynsha, Mınskdegi oqıǵa Belorýstegi saıasat pen Aleksandr Lýkashenkonyń statýsyn túbegeıli ózgertedi.

Ázirge sherýshiler jańa saıası dáýirdi bastaı ala ma, álde qandy repressııa bola ma ol jaǵy belgisiz.

"Kelispeýshilik tutas eldi biriktire aldy" dep jazǵan basylym jeksenbidegi saılaý nátıjesi kópe-kórneý burmalanbaı, Lýkashenko daýystyń 55 paıyzyn jınaǵany jarııalanyp, onyń ózi azamattarǵa qulaq asyp, tatýlasý dáýirin bastaǵanda qarsylyq birneshe belsendi top arasynda ǵana bolar ma edi dep topshylaıdy. "Endi eshqashan sherýletip kórmegenderdiń ózin ashý men yza kernegen" dep atap ótilgen gazettegi maqalada

CNN Belorýstegi prezıdent saılaýynyń qorytyndysy Lýkashenko bıligine degen qarsylyqty ǵana kórsetip qoımaı, onyń qandaı odaqtastary qalǵanyn da aıqyndap bergeni týraly jazdy.

Basylym eldegi saılaý qorytyndysyna myńdaǵan adamnyń narazylyq tanytyp jatqanyn eske salyp, Lýkashenkony jeńisimen Qytaı men Reseı basshylarynyń quttyqtaǵanyn atap ótti.

Sondaı-aq telekompanııa Ulybrıtanııa syrtqy ister mınıstrligi men AQSh memlekettik departamentiniń saılaý nátıjesine alaýdaýshylyq bildirip, onyń burmalanǵanyn aıtqanyn habarlady.

New York Times gazeti saılaýdan keıingi jappaı narazylyqty "haos" dep atasa, Fox News ereýilshilerdiń berilmeýge bekingenin jazdy. Vashıngtondaǵy Axios portaly nátıjesi burmalanǵan saılaý Lýkashenko úshin naǵyz aýyr synaq bolǵanyn, onyń bılikti saqtap qalý úshin qolda bar barlyq ınstrýmentti paıdalanyp jatqanyn keltirdi.