• USD 468.56

  • EUR 497.56

  • RUB 7.3

  • CNY 67.18

29 Naýryz, 06:38:44
Almaty
+35°

Abaı Qunanbaıulynyń 175 jyldyǵyna oraı Muhtar Áýezovtiń "Abaı joly" roman-epopeıasynyń qysqasha mazmunyna vıdeosammarı jaryq kórdi. Vıdeojoba aqparat jáne qoǵamdyq damý mınıstrliginiń qoldaýymen Massaget.kz saıtynyń YouTube-arnasynda kórermen nazaryna usynyldy.

"Abaı jolynyń" qysqasha mazmuny ár taraý boıynsha daıyndalǵan. Tórt tomdyq epopeıa barlyǵy 28 taraýdan turady. Ár vıdeosammarıdiń uzaqtyǵy – 12-15 mınýt. Vıdeosammarı – kitaptyń negizgi ıdeıasyn, mazmunyn vıdeo túrinde usyný.

– О́skeleń urpaqqa Abaı jádigerlerin nasıhattap, onyń eńbekterindegi izgi oılardy darytý asa mańyzdy. Bizdiń bul jobamyz kórermen kóńilinen shyǵyp, Abaıdy tanýǵa sebep bolady dep senemiz" – deıdi aqparat jáne qoǵamdyq damý mınıstri Aıda Balaeva.

Kishkentaı kórermenderdiń nazaryn aýdartyp, kartınany qabyldaý qabiletin arttyrý úshin doodle anımasııa stılinde usynyldy, dybystyq fon qosyldy. Massaget.kz saıtynyń art-dırektory ári joba jetekshisi – Ernar Almabek, sýretshisi – Tomırıs Esqalı, dybystaǵan – Shamshaddın Omarov.

– "Abaı joly" ár oqyǵan saıyn ózgeshe kúıge bóleıtin epopeıalyq roman. Shyǵarma mektep baǵdarlamasyna kirgenimen, oqýshylar keıipkerin kózge elestetip, emosııa keship, mazmunyn este saqtaı bermeıdi. Tipti eresek adamdardyń ózderi de romannyń avtoryn bilýmen ǵana shekteledi.

Abaıdyń týǵan kúnine oraı biz tili de, mazmuny da kúrdeli shyǵarmanyń vıdeosammarıin daıyndadyq. Endi kórermen 28 taraýdyń mazmunymen sanaýly mınýttarda tanysa alady. Osylaısha kitapqa degen qyzyǵýshylyǵy oıanǵan olar kúnderdiń bir kúni tom-tomdy paraqtaıdy degen úmitimiz bar, – deıdi joba jetekshisi Ernar Almabek.

Mazmun mátinine shyǵarmanyń negizgi bólikteri tańdalyp, jazýshynyń tili men kórkemdik quraldary saqtalǵan. Shyǵarmanyń birinshi tomyndaǵy taraýlar ár dúısenbi saıyn Massaget TV YouTube-arnasynda jarııalanyp turady. Jobanyń aqparattyq seriktesi – Alash Media Group medıaholdıngi.

Abaı kúnine oraı 10 tamyzda I tomnyń "Qaıtqanda" taraýy kórermen nazaryna usynyldy.

"Qamshy" silteıdi
Ilmek sózder: Abaıdyń 175 jyldyǵy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir