Qazaqstanda úsh bala Kavasakı sındromyna shaldyqqan

Qazaqstanda 114 bala koronavırýs indetin juqtyryp, onyń úsheýi Kavasakı sındromyna shaldyqqan. Bul týraly densaýlyq saqtaý mınıstrliginiń resmı ókili Baǵdat Qojahmetov ortalyq kommýnıkasııalar qyzmetindegi brıfıngte habarlady.

– Qazaqstanda koronavırýs indetin juqtyrǵan 2 257 jaǵdaı tirkeldi. Búginde koronavırýs juqtyrǵan 114 bala aýrýhanada emdelip jatyr. Kavasakı sındromy – kúretamyrǵa zaqym keletin kúrdeli aýrý túri. Jyl basynan beri Nur-Sultan, Almaty jáne Petropavl qalalarynda Kavasakı sındromyn juqtyrǵan úsh jaǵdaı tirkeldi, – dedi Baǵdat Qojahmetov.

Elde koronavırýs juqtyrǵandar sany 99 442-ge jetti. Onyń ishinde 72 523 adam aýrýynan aıyǵyp, 1 269 adam aýrýdan kóz jumdy.