10 Tamyz, 2020 NEWS

Praımerız saılaýy doktoranttar men magıstranttarǵa arnaıy kýrs retinde engizilýi múmkin – EUÝ professory

Kórneki sýret

Qazaqstanda 17 tamyzy men 3 qazan aralyǵynda ótetin praımerız saılaýy joǵary oqý oryndaryndaǵy doktoranttar men magıstranttarǵa arnaıy kýrs retinde engizilýi múmkin. Bul týraly L.N.Gýmılev atyndaǵy jýrnalıstıka jáne saıasattaný kafedrasynyń professory Natalıa Kalashnıkova QHA ókilderiniń qatysýymen ótken Zoom-konferensııada málim etti.

– Doktaranttar men magıstranttarǵa praımerız nátıjeleri negizinde arnaıy kýrs engizemiz. Praımerız saılaýy týraly kýrs engizý óte mańyzdy, sebebi, saıası mádenıet bolashaq saıasattanýshylar úshin óte qajet. Biz kafedra basshysymen kelissózder júrgizdik. Arnaıy kýrs doktoranttar úshin, múmkin bolsa magıstranttar úshin de engiziledi. Olardyń dıssertasııalyq, doktorlyq taqyryptary Qazaqstandaǵy jańa saılaý tehnologııasyna arnalatynyna kúmán joq, – dedi ol.

Natalıa Kalashnıkovanyń shákirtteri qazirdiń ózinde eki blokqa bólinip, alda bolatyn praımerızge ózindik úlesin qosýda.

– Meniń magıstrant jáne doktorant shákirtterim qazir eki blokqa bólindi. Birinshi blok – praımerızdiń nasıhatyn jasaýshy saıasattanýshylar, al ekinshisi – praımerızge qatysýshy úmitkerler. Qazirgi jastardyń qabiletin praımerızde barynsha paıdalanýymyz qajet. Partııa ishindegi irikteý bastalǵanǵa deıin biz kommýnıkasııany kúsheıtip, áleýmettik jeliler arqyly jastarymyzdy erekshe sharaǵa atsalysýǵa shabyttandyrýymyz kerek, – dedi Natalıa Pavlovna.

Zoom-konferensııada praımerızdiń mańyzy týraly aıtqan Assambleıa ókilderiniń biri Dmıtrıı Korepanov aldaǵy saılaýǵa ótinish bergenin aıtty. "Aýyl – memleket tiregi" jobasynyń negizin qalaýshy Korepanov eldegi azamattar, onyń ishinde aýyl turǵyndary jańa saıası tulǵaǵa muqtaj ekenderin jasyrmady.

– Praımerız Qazaqstan saıası júıesi damýynyń jańa kezeńi. Elimizdegi azamattyq qoǵamǵa, onyń ishinde aýyl turǵyndaryna jańa saıası tulǵalar, jańasha format qajet. Pandemııa kezinde eldegi ǵana emes, álemdegi ahýal nasharlap ketti. Sondyqtan bul sharaǵa jastar ǵana emes, tájirıbesi bar, eldi daǵdarystyq jaǵdaıdan shyǵara alatyn azamattardy qatystyrý kerek sııaqty. Men praımerızge qatysýǵa ótinish berdim. Qazirgi tańda bul sharaǵa daıyndalyp, óz baǵdarlamamdy jasap jatyrmyn, – dedi ol.

Ilmek sózder: praımerız

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir