Medıakásipker, ulttyq qoǵamdyq senim keńesiniń eks-múshesi Arman Shoraev Facebook paraqshasynda Nur-Sultan qalasyndaǵy Qabanbaı batyr kóshesin qaıta qurylymdaýǵa jumsalatyn 92 mlrd teńge qarjynyń tym kóp ekenin, ol aqshaǵa baspanasy joq otbasylarǵa úı salyp berýge bolatynyn aıtty. Onyń aıtýynsha, elorda ákimi Altaı Kólginov pen ındýstrııa jáne ınfraqurylymdyq damý mınıstri Beıbit Atamqulov aqshany jelge shashyp otyr.

Shoraev tórt jatyn bólme, ashana jáne terassadan turatyn jańa úıdi tanystyryp, búgingideı qıyn kezde jol qurylysyna ketetin aqshaǵa shamamen osyndaı baspana salyp bergen áldeqaıta durys bolatynyn jetkizdi.

Úı qurylysyna 33 myń dollar ıaǵnı 13 mln 860 myń teńgege jýyq qarjy ketken.

Onyń sózinshe, úıdi nesıege berý arqyly memleket jumsalǵan aqshany artyǵymen qaıtaryp ala alady.

Shoraevtyń deregin basshylyqqa alsaq, elordadaǵy Qabanbaı batyr kóshesin jóndeýge bólingen 92 mlrd teńgege dál osyndaı 6637 úı salýǵa bolady eken.

"Qurmetti dostarym! Osy úıdiń bir sharshy metri 200 dollar bolyp shyqty. Sonymen, osyndaı úıdi basynan aıaǵyna deıin salý úshin, ishin qaptaý úshin 33 myń dollar qarajat qajet. 92 mlrd teńgeni Kólginov myrza, mınıstr Atamqulov myrza bir ǵana álgi qonaqtarǵa arnalǵan kóshege salmaqshy. Bizdiń elde tań qalatynym barlyǵy qonaqqa arnalǵan. Qazba baılyqty bitirip, endi joldy da qonaqqa beretin boldyq. Kólginov pen Atamqulov, sender ońbaǵan shoshqalarsyńdar. Naǵyz osyndaı qıyn jaǵdaıda qarajatty bir kósheni durystaý úshin jumsap jatyrsyńdar. Odan qaldy LRT-niń bıýdjetin alsaq, dál osyndaı úılerden Qazaqstannyń ár oblysynan 3000 úı salyp, baspanasy joq adamdardy baspanamen qamtamasyz etýge bolady. Sondyqtan, aınalaıyndar, bilip júrińder. Sender parazıtsińder, ońbaǵan shoshqalarsyńdar. Kezi kelgende osyndaı josyqsyz qımyldaryń úshin ádiletti sottyń aldynda jaýap beresińder" delingen vıdeoda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir