09 Tamyz, 2020 NEWS
Kórneki sýret
Shyǵys Qazaqstan oblysy Glýbokoe aýdanynda 4 kún buryn joǵalǵan áıel óli kúıinde tabyldy. Bul týraly oblys polısııasy Instagram áleýmettik jelisinde habarlady.
Polısııanyń aqparatynsha, týystary áıeldiń tańerteń jumysqa shyqqannan keıin qaıtyp oralmaǵanyn aıtqan.
Áıeldiń denesi Glýbokoe aýdany Beloýsovka aýylynan jeti shaqyrym jerde kómilgen kúıde tabyldy. Qylmysty jasaǵan 59 jastaǵy er adam qaıtys bolǵan áıelmen tanys ekeni anyqtaldy.
– Ol Reseımen shekarada ustaldy. Jeńil kólikpen elden shyǵyp ketýge tyrysqan. Kúdikti ýaqytsha ustaý ızolıatoryna qamaldy, – dedi oblystyń polısııa departamenti basshysynyń orynbasary, polısııa polkovnıgi Talǵat Shaıahmetov.
Áıeldi tabý úshin eriktiler men polıseıler táýlik boıy aımaqtyń aınalasyn qarap shyqqan.
Glýbokoe aýdanynyń polısııa qyzmetkerleri tergeý is-sharalaryn júrgizip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir