08 Tamyz, 2020 NEWS
EPA
Úndistanda 190 jolaýshy otyrǵan Air India Express ushaǵy Kerala shtatynyń áýejaıynda qulap, kem degende 18 adam qaza tapty.
"Dýbaıdan kele jatqan Boeing 737 ushaǵy jańbyrda ushyp-qoný jolynan shyǵyp ketti jáne Kalıkýt áýejaıyna qonǵannan keıin jaryldy" dep habarlady avıasııa qyzmetkerleri.
Úndistan premer-mınıstri Narendra Modı "ushaq apatyna baılanysty qaıǵyratynyn" jetkizdi.
Aqparatqa sáıkes, apat bolǵan jerde qutqarý jumystary aıaqtaldy jáne aman qalýshylar Kalıkýt pen Malappýramdaǵy aýrýhanalarǵa jetkizildi.
"Ondaǵan adam jaraqat aldy, olardyń 156-sy aýyr jaralanǵan" dep habarlaıdy sheneýnikter.
Air India Express eki ushqyshtyń da qaza tapqanyn habarlady.
– Oqıǵa nóserdiń saldarynan jáne nashar kórýden boldy. Bul óte joıqyn apat, –dep málimdedi úkimettiń josparlaý komıssııasynyń jetekshisi Amıtabh Kant.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir