07 Tamyz, 2020 NEWS

Qytaılyq maman: Koronavırýspen aýyrǵandardan úsh aıdan keıin de ókpe zaqymy baıqaldy

Getty

Jańa zertteýler boıynsha, Ýhandaǵy alǵashqy koronavırýspen aýyrǵandardyń kópshiligi aýrýhanadan shyǵyp úsh aıdan keıin de olardan ókpe zaqymy baıqalǵan.

Ýhan ýnıversıteti Chjýnnan aýrýhanasy jansaqtaý bóliminiń dırektory doktor Peng Chjıong aýrýdyń uzaq merzimdi áseri týraly alańdaýshylyǵyn jasyrmaǵan.

Zertteýge qatysqandar energııanyń jetispeıtindigin aıtqan, al olardyń 50 paıyzǵa jýyǵynan depressııa belgileri baıqalǵan. "Olar qoǵamnan oqshaýlaýǵa ushyrap, qalypty ómirge orala almaı jatqandaryn aıtty" dep habarlaıdy The Times.

Bir jylǵa jalǵasatyn zertteý jumysynyń aldyńǵy úsh aılyq zertteý nátıjesi boıynsha, aýrýlardyń 90 paıyzynda ókpe zaqymy bar ekeni anyqtalǵan.

10 paıyzynda Kovıd-19 antıdenesi bolmaǵan.

– Nátıjeler aýrýlardyń ımmýndyq júıesiniń áli qalpyna kelip jatqanyn kórsetti, – degen Doktor Peng. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir