Almaty oblysynda er adam áıeline qol jumsap, balasyn dárethana sýyna tunshyqtyrǵan. Bul týraly "Ne molchı" uıymy Facebook jelisinde habarlady.

Uıym málimetinshe, er adam birneshe kún boıy áıeli men balasyna jábir kórsetken. Ol áıelimen bir jyldan asa ýaqyt birge turǵan. Qazir úsh aılyq uly bar. Áıeldiń birinshi nekesinen 9 jáne 4 jasar uly bar. 

"3 tamyz kúni jábirlenýshiniń anasy bizge qońyraý shaldy. Nemeresi ákesiniń urǵanyn aıtyp, anasynyń sýretin jibergen.  Kúıeýi bala-shaǵasynyń uıaly telefonyn tartyp alyp, úıine eshkimdi kirgizbeı qoıǵan. Tipti balasy abaısyzda páterdegi krandy syndyryp alǵany úshin soqqyǵa jyqqan. Ol áıelin qorqytý úshin kishi balasyn dárethana sýyna batyrýdan taıynbaǵan. Áıeliniń jáne ulynyń qabyrǵalary synǵan, mıy shaıqalǵan. Qazirgi ýaqytta ekeýi aýrýhanaǵa jatqyzyldy" delingen jelidegi jazbada.

Jábirlenýshiniń aıtýynsha, mundaı keleńsiz jáıttar buryn da qaıtalanǵan.

"Áıeli men bala-shaǵasyn qansha qorqytsa da oǵan keshirimmen qaraǵan. Buǵan deıin kúdikti adam óltirý faktisimen 20 jyldaı túrmede otyrǵan. Sodan ol eshteńeden taıynbaıtynyn jáne qoryqpaıtynyn jetkizdi" delingen uıym jazbasynda.

Ájesiniń aıtýynsha, 4 jasar ulyna ógeı ákesi zorlyq-zombylyq kórsetken. Qazir odan analız saraptamalary alynýda. 

Atalǵan oqıǵa jaıly Almaty oblystyq polısııa departamenti "Ne molchı" uıymy qyzmetkerlerinen bilgen. Buryn jábirlenýshi polısııaǵa aryzdanbaǵan.

Departamenttiń habarlaýynsha, 1976 jyly týǵan kúdikti ustalyp, ýaqytsha ustaý ızolıatoryna qamalǵan. Oǵan qatysty QR qylmystyq Kodeksiniń 110 baby (kámeletke tolmaǵan adamǵa qatysty azaptaý) boıynsha sotqa deıingi tergeý jumystaryn bastady.

Ilmek sózder: sottalǵan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir