Almaty qalasy Qoǵamdyq damý basqarmasy men Medeý aýdany ákimdiginiń qoldaýymen jastar men jastar uıymdary úshin áleýmettik alań usyný maqsatynda Medeý aýdanynda «Almaty jastary» jastar resýrstyq ortalyǵy ashyldy.

Jastar resýrstyq ortalyǵy jastarǵa qyzmet kórsetý ortalyǵy qaǵıdaty boıynsha (jumysqa ornalastyrý, turǵyn úı máseleleri, memlekettik baǵdarlamalar, kásipkerlik jáne t.b.) jumys isteıtin bolady.

Jastar resýrstyq ortalyǵynda «Atameken» UKP, Almaty qalasy ákimdiginiń halyqty jumyspen qamtý ortalyǵy jáne «Turǵyn úı qurylys jınaq banki» AQ qyzmetkerleri júgingen jastardy qoldaý boıynsha keńes beredi.

Sondaı-aq, qoldanystaǵy memlekettik baǵdarlamalar, jastarǵa arnalǵan múmkindikter jáne qalada júrgizilip jatqan reformalar, jas otbasylar arasynda ajyrasýdyń aldyn alý, NEET sanatyndaǵy jastarmen jumys, jastarǵa anonımdi psıhologııalyq kómek kórsetý, jastar men jastar uıymdaryna quqyqtyq, ádistemelik kómek kórsetý týraly keńester ótkiziledi.

Sonymen qatar, ortalyq qyzmetkerleri Medeý aýdanynyń jastaryna kolledjder men joǵary oqý oryndaryna túsý, sondaı-aq stýdentter úshin jataqhana alý máseleleri boıynsha keńes beretin bolady.

Qyzmet kórsetý sapasyn jaqsartý úshin call-ortalyq qurylady, ol aýdan jastaryna onlaın rejımde keńes beredi.

Aıta ketý kerek, búgingi tańda qalanyń 7 aýdanynda «shetsiz qala» qaǵıdaty boıynsha ońtústik astanany damytý sheńberinde Jastar resýrstyq ortalyqtary (Medeý aýdanyn qosa alǵanda) ashyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir