07 Tamyz, 2020 NEWS

Týǵa dári tamyzǵysh ilip qoıǵan basshyǵa qatysty resmı málimdeme shyqty

Vıdeodan alynǵan sýret

Túrkistan oblysy Keles aýdanynyń baspasóz qyzmeti Qazaqstan týyna túıreýishpen dári tamyzǵysh ilip, em alyp jatqan áıeldiń vıdeosyna qatysty pikir bildirdi.

Oqıǵa Túrkistan oblysy Keles aýdanyna qarasty Abaı aýylyndaǵy Saz mektebinde bolǵan.

"Saryaǵash aýdanynyń turǵyny L.Darhanbaeva Facebook jelisindegi paraqshasyna 2020 jyldyń 6 tamyz kúni saǵat 13:50-de Keles aýdany Abaı aýylynda ornalasqan Saz mektebi basshysynyń mindetin ýaqytsha atqarýshy Z.Ýmargazıevanyń memlekettik týdy qorlaǵany týraly jazba jarııalaǵan.

Abaı balalar saz mektebi dırektorynyń mindetin ýaqytsha atqaryp otyrǵan Z.Ýmargazıeva 2020 jylǵy 6 tamyz kúni saǵat 11:00-ler shamasynda Abaı balalar saz mektebi ǵımaratynyń basshysy bólmesinde QR memlekettik týǵa aspaly dárilerdi túıregishpen túırep ilip qoıyp saldyryp otyrǵan. Ony Abaı balalar saz mektebiniń kásipodaq uıymynyń tóraǵasy E.Asanov esimdi muǵalimi uıaly telefonynyń beıne kamerasyna túsirip, áleýmettik jelige salǵan bolatyn.

Osyǵan sáıkes, Keles aýdany bilim bólimi basshysynyń 02.06.2020 jylǵy №115-j/q buıryǵymen Abaı balalar saz mektebi dırektorynyń mindetin ýaqytsha atqaryp otyrǵan Z.Ýmarǵazıevadan bolǵan jaǵdaılarǵa baılanysty túsinikteme alyndy.

Bergen túsiniktemege sáıkes Abaı balalar saz mektebi dırektorynyń mindetin ýaqytsha atqaryp otyrǵan Z.Ýmargazıeva qazirgi ýaqytta Keles aýdany bilim bóliminiń 06.08.2020 jylǵy №158 j/q buıryǵymen atqaryp otyrǵan laýazymynan bosatyldy" delingen málimdemede.

Oqı otyryńyz

♦"Syılamaısyz ba". Kelestik basshy memlekettik týǵa dári tamyzǵysh ilip qoıǵan (vıdeo)

Ilmek sózder: dári

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir