07 Tamyz, 2020 NEWS

DenSaýMın vıse-mınıstri: Qytaıdan ákelingen shıkizatqa táýeldimiz

Foto: tengrinews.kz.

Densaýlyq saqtaý mınıstrligi Qazaqstannyń shetelden keletin ımportqa táýeldi ekenin aıtty. Bul týraly densaýlyq saqtaý vıse-mınıstri Lıýdmıla Buırabekova onlaın-brıfıngte málim etti, dep habarlady tengrinews.kz.

– Aqpanda maskanyń baǵasy 15 teńge bolǵan, biraq bul kezde pandemııa órship turǵan edi. Barlyq el, sonyń ishinde Qazaqstan da jeke qorǵanys quraldaryn syrtqa shyǵarýdy toqtatty. Biraq biz ımportqa, Qytaıdan ákelingen shıkizatqa táýeldimiz. Sol kezde shıkizat qoljetimsiz edi, al óndirýshiler medısınalyq uıymdarmen kelisim-shart boıynsha jumys istedi. Sol ýaqytta shynymen betperdege tapshylyq boldy. Sonda biz SIM-men birge prosesterdi avtomattandyrý úshin jabdyq ákelýge kómektestik.

Budan basqa, biryńǵaı dıstrıbıýtor uzaq merzimdi sharttar konkýrsynyń qorytyndysyn shyǵardy. Bizde maska óndirýshilerdiń sany artty. Memleket betperde baǵasyn rettemeıdi. Al tótenshe jaǵdaı rejıminde memlekettik komıssııa naryqtaǵy baǵany turaqtandyrý úshin ǵana shekti baǵany belgilegen bolatyn. Onda da alypsatarlar bolǵan. Sondyqtan baǵany 118 teńge qylý sheshimi qabyldandy, – dedi vıse-mınıstr.

Ilmek sózder: dsm maska

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir