07 Tamyz, 2020 NEWS

"Syılamaısyz ba". Kelestik basshy memlekettik týǵa dári tamyzǵysh ilip qoıǵan (vıdeo)

Vıdeodan alynǵan sýret

Facebook-te Qazaqstan týyna dári tamyzǵysh ilip, em qabyldap jatqan áıeldiń vıdeosy tarady. Beınejazbany jeli qoldanýshysy Laıla Darhanbaeva paraqshasynda jarııalady.

"Qazaqstannyń memlekettik týyna medısınalyq quraldy ilip qoıǵan. Osy dárejege jettik pe. Týdy syılamaısyzdar ma. Sizdiń týǵa túıreýish taǵyp qoldanýǵa qandaı quqyǵyńyz bar? Basshylyq retinde kabınetti paıdalana almaısyz, oǵan arnaıy oryn bar" deıdi vıdeony túsirgen Erjan esimdi azamat.

Vıdeoda basshylyq qyzmette otyrǵan áıel "amaldyń joqtyǵynan" osyndaı qadamǵa barǵanyn aıtty.

Vıdeony jarııalaǵan Laıla Darhanbaeva vıdeodaǵy áıeldiń qoldaýshylary myqty ekenin jazdy.

"Kelestikter basshy bolsa keńkeles bolyp qalady ma? Álde basynyp ketedi ma? Keıbir ákimniń memlekettik rámiz ben elbasynynyń portreti turǵan kabınetinde ózara birigip araq quıyp atoılatqandary bar edi. Mynaý basshy áıel adam bolǵan soń, ákim sııaqty araqqa jetkizbese de Kók týdy jelbiretip qyzmet ornynda aspa ýkoldy asyp qoıyp em qabyldap jatqanynyń kýási bolyńyzdar. Atyń shyqpasa jer órte! Kryshasy anaý krysa dep estidik" degen óz jazbasynda.

Oqı otyryńyz: Týǵa dári tamyzǵysh ilip qoıǵan basshyǵa qatysty resmı málimdeme shyqty

Ilmek sózder: rámiz basshy keles

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir