07 Tamyz, 2020 Almaty

"Máńgilik Qazaqstan" qoǵamdyq qory túzeý mekemesindegi azamattarmen onlaın kezdesý ótkizdi

Vıdeodan skrınshot

Almaty qalasy Qoǵamdyq damý basqarmasynyń qoldaýy aıasynda "Máńgilik Qazaqstan" Qoǵamdyq qory Qylmystyq-atqarý júıesinde merzimin ótep jatqan sottalǵandarǵa "Bas bostandyǵynan aıyrý ornynan shyqqan adamdardy áleýmettik beıimdeýdegi máselelerdi sheshýge baǵyttalǵan jobany" onlaın túrde uıymdastyryp berdi.

3 jáne 6 tamyz  kúni "Máńgilik Qazaqstan" Qoǵamdyq qory Almaty qalasynyń Qylmystyq-atqarý júıesi departamentine qarasty  LA 155/6 (kámelet jasqa tolmaǵan sottalǵandar) mekemesinde jáne LA 155/8 mekemesinde onlaın rejımde is-shara ótkizdi. Atalǵan qos sharaǵa psıholog Seıilbek Myrzabaev jáne zańger Shyntekova Kámshat qatysty.

3 tamyz kúni ótken onlaın is-shara kezinde psıholog Seıilbek Myrzabaev sottalǵandarǵa túzeý mekemesinen bosatylǵannan keıin, qoǵamǵa beıimdelý úshin psıhologııalyq kómek kórestiletinin jetkizip, olarǵa psıhologııa týraly shaǵyn túsiniktemeler berdi. Ol jıyn barysynda sottalǵan jasóspirimderge arnaıy daıarlaǵan prezentasııasyn kórsetti.

Prezentasııa

Sol kúngi jıynda zańger Kamshat Shyntekova kámelet jasqa tolmaǵan sottalǵandarǵa bosap shyqqannan keıin qandaı quqyqtarǵa ıe bolatyny týraly aıtty.

"Ata zańda sizderdiń adam retindegi quqyqtaryńyzdy qorǵaıdy. Adam ómiri bárinen qymbat, olardyń quqyǵyn shekteýge bolmaıdy. Osynyń barlyǵy Konstıtýsııada jazylǵan.  Sizderdiń ómir súrýge, bilim alýǵa jáne qoǵamda beıimdelýge quqyqtaryńyz bar. Erteń bosap shyqqan soń aldyǵa maqsat qoıyńyzdar. Sol kezde qatelik jasamaısyzdar" dedi zańger.

6 tamyz kúni bolǵan onlaın is-shara LA 155/8 mekemesimen birlese otyryp ótti. Bas bostandyǵynan aıyrylǵan azamattarǵa psıholog Seıilbek Myrzabaev jáne zańger Kamshat Shyntekova dáris oqydy.

Túzeý mekemesinde merzimin ótep jatqandarǵa zańger Kamshat Esmahanbetqyzy da bostandyqqa shyqqannan keıingi ómir týraly  qazaq jáne orys tilinde túsindirme jumystaryn júrgizdi.

"Túrmeden shyqqan adam mindetti túrde qoǵamnan alshaqtap ketetini belgili alaıda sol kezeńnen ótip qalypty kezeńge beıimdelý asa mańyzdy. Osy maqsatta bizdiń memleket birshatar is- sharalardy atqaryp otyr. Jumyspen qamtý ortalyqtaryna siz aryz tastasańyz sizge jasyńyz ben oqyǵan mamandyǵyńyzǵa saı qyzmet taýyp beredi. Oqymasańyz arnaıy oqý kýrstarynan ótesiz. Bizdiń maqsatymyz burys jolǵa qaıta túsirmeı azamattar men azamatshalardy qalypty ómirge beıimdeý" dedi zańger.

Psıholog Seıilbek Myrzabaev túzeý oryndaryndaǵy azamattardy emin-erkin áńgimege shaqyrdy. Ol tarıhta bolǵan oqıǵalardy aıtyp konferensııaǵa qatysýshy sottalǵandardy qyzyqtyra tústi.

"Kezinde bir túzeý mekemesinde osyndaı jıyn bolypty, sonda sottalýshylar tek bir psıhologtyń túsindirme jumystaryn ótkizgeninqalaıdy eken. Sebebi ol psıholog adamdardan nege túrmede otyrsyń dep emes, kerisinshe qashan shyǵasyń dep bastap suraǵan. Túzeý mekemesinde otyrǵan adamdarǵa áńgimeni osylaı bastaý kerek, sonda olarǵa unaıdy" dedi psıholog áńgime barysynda.

Sonymen qatar psıholog sottalǵandarǵa túzeý mekemesinen shyqqan soń qoǵamǵa beıimdelý úshin kóp ýaqyttyń kerek emestigin, tek alǵa qoıǵan maqsat bolsa jetkilikti ekenin aıtty. 

Is-shara kezinde

"Máńgilik Qazaqstan" Qoǵamdyq qory aldaǵy ýaqytta da onlaın is-sharalar ótkizip, sottalǵan azamattar men azamatshalarǵa psıhologııalyq jáne zańdy turǵydan kómek beretin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir