07 Tamyz, 2020 Barlyq aımaqtar

Úndistandyq BAQ: Qytaı Tájikstan jeriniń jartysyna aýyz salyp otyr

Foto: tfipost.com

Qytaıda Pamır qytaı tarıhynyń bir bóligi bolǵany týraly aıtyla bastady. Qytaı anneksııalaǵysy keletin ár aýmaqqa qatysty osylaı deıdi. Beıjiń osy joly Tájikstan jeriniń 45 paıyzyna aýyz salmaq. Bul týraly Úndistandaǵy aǵylshyn tilinde habar taratatyn wionews basylymy habarlady.

Jýyrda qytaı tarıhshysy Cho Iаý Lý Qytaı Pamırden Sın ımperııasy bıliginiń aqyrǵy jyldarynda aıyrylyp qalǵanyn, álemdik derjavalardyń qysymynyń kesirinen Pamır 128 jyl boıy Qytaıdan tys qalyp qoıǵany týraly jazǵan.

Onyń sózinshe, Tájikstan aýmaǵynyń 45 paıyzy Qytaıǵa tıesili.

2011 jyly Qytaı Tájikstannan 1000 sharshy shaqyrym Pamır jerin almaq bolǵan.

2019 jyly Washington Post gazeti Pamırde qytaı qarýly kúshteriniń júrgeni týraly jazǵan.

Úndistandyq basylymnyń habarlaýynsha, Qytaı Tájikstandy boryshtyq mindettemeniń óteýi retinde Pamırdi berýge kóndirýi múmkin. Tájikstan 2017 jyly "Beldeý men jol" bastamasyna qosylǵan. Búginde elde 350 qytaı kompanııasy jumys isteıdi.

Tfipost saıtynyń dereginshe, Dýshanbe Qytaıǵa 1,2 mıllırd dollar qaryz. Eldiń syrtqy qaryzynyń jalpy kólemi 2,9 mlrd dollardy quraıdy.

Buǵan deıin Tájikstan bereshektiń bir bóliginiń óteýi retinde Qytaıǵa paıdaly qazbalardy óndirýge ruhsat bergen.

"Endi Qytaı Pamırdi osylaı alǵysy keledi. Bul qytaıǵa shekaralyq beketter, áýejaılar, salýǵa múmkindik berer edi. Bul Qytaıdan qaryz alǵan barlyq el úshin sabaq bolýǵa tıis" dep jazdy úndistandyq saıt.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir