06 Tamyz, 2020 NEWS

Qazaqstanda KVI-ǵa qarsy vaksınasııa 2 mln adamǵa tegin jasalady. Olar kimder?

Kórneki sýret

Densaýlyq saqtaý mınıstrliginiń resmı ókili Baǵdat Qojahmetov Qazaqstanda qansha adamǵa koronavırýsqa qarsy tegin vaksına salynatynyn málimdedi.

Onyń sózinshe, Qazaqstan GAVI, CEPI, dúnıejúzilik densaýlyq saqtaý uıymy men halyqaralyq korporasııalar jáne vaksına óndirýshileri birlese ázirlegen "COVAX Facility" baǵdarlamasyna engen.

Baǵdarlama quramyndaǵy elderge halqynyń 20 paıyzyna vaksınasııa jasaýǵa múmkindik beriledi.

Qazaqstanda sozylmaly syrqattarmen aýyratyndarǵa, júrek-qan tamyrlary syrqatyna shaldyqqan 65 jastan asqan azamattarǵa, qant dıabeti men ókpeniń sozylmaly dertine shaldyqqandar men medısına qyzmetkerlerine jalpy jıyntyǵy 2 182 000 adamǵa vaksınasııa tegin jasalady.

GAVI deregi boıynsha, tabys deńgeıi ortasha elder úshin KVI-ge qarsy vaksınanyń bir dozasy 10-20 dollar arasynda bolady. Buǵan jetkizý shyǵyny kirmeıdi. Qazaqstan valıýtasymen doza baǵasy 4142 teńge men 8284 teńge aralyǵynda.

Eger vaksına GAVI uıymy arqyly satyp alynatyn bolsa, vaksınaǵa shamamen 9 mln teńgeden 18 mln teńgege deıin qarjy qajet.

Densaýlyq saqtaý mınıstrligi tegin vaksınasııaǵa ilinetin azamattar sanyn arttyrý joldaryn qarastyryp jatyr.

Ilmek sózder: Koronavırýs vaksına

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir