Aqtóbe oblysynan qundy tarıhı jádigerler tabyldy

Bir apta buryn whatsapp jelisinde Aqtóbe oblysy Bersıev okrýginen tabylǵan eski qumyra sýreti taraldy. Jádiger kezdeısoq tabylǵan bolyp shyqty.

Oljanyń erte dáýirde adamdar turaqtaǵan "Qazdyaral" turaǵynan tabylǵan. Aqtóbe oblystyq tarıhı-ólketaný mýzeıiniń arheolog mamany Aslan Mamedov qumyrany zertteý jumystaryn uıymdastyryp jatyr.

Barlaý jumysy barysynda kezdeısoq tabylǵan qumyra buǵan deıin basqa jerden ákelinip, qaıta kómilgeni anyqtaldy. Tabylǵan jerdi zertteý barysynda, túraqta erte kezeńdegi qaýymnyń jerlengeni anyqtaldy.

Arheolog Aslan Mamedovtiń basshylyǵymen ekspedııa quramy jasaqtalyp, "Qazdyaral" turaǵyna qazba jumystary júrgizilýde.

Úsh jerdiń negizgi qabiri saqtalǵan. Qaıta kómilgen súıekteri bar eki shuńqyr qazyldy. Nátıjesinde erte qola dáýiri men orta ǵasyr kezeńine jatatyn arheologııalyq jádigerler ashylyp, sýretteldi.

Ǵylymı zattardyń mańyzy tarıhı joǵary. Tereń zertteýdi qajet etedi. Arheologııalyq qazba jumystaryna  arheolog Aslan Málikuly, oıyldyq jas ǵylym janashyrlary Beket Myrzaǵalıev pen Dáýlet Tapashev jáne Oıyl aýdandyq mýzeıiniń qyzmetkeri Medet Qulmuhanov atsalysqan. Bul Shyǵanaq Bersıev mýzeıiniń alǵashqy, ǵylymı turǵydaǵy arheologııalyq qazba jumysy.