06 Tamyz, 2020 NEWS

Nur-Sultanda jigit bolyp tanysyp, urlyq jasaǵan áıel ustaldy

Nur-Sultan polısııa departamentiniń áleýmettik jelisinen alyndy

Nur-Sultanda er adam bolyp adamdardy aldaǵan áıel ustaldy. Bul týraly qalalyq polısııa departamentiniń baspasóz qyzmeti habarlady.

Habarlamada kórsetilgendeı, áıel er adam retinde tanysyp, artynsha turǵyndardan habarlasý úshin telefonyn suraǵan. Keıin oqıǵa ornynan qashyp ketip otyrǵan. 

"Polısııa qyzmetkerleri jedel izdestirý sharasy barysynda 30 jastaǵy elorda turǵynyn ustady. Ol birneshe ret alaıaqtyq jasaǵan. Er adam bolyp tanysyp, turǵyndardan habarlasý úshin telefonyn suraǵan. Sodan soń oqıǵa ornynan izin sýytyp otyrǵan. Kúdiktiniń syrtqy kelbeti er adamǵa uqsas bolǵan. Urlanǵan uıaly telefondardy arzan baǵaǵa kezdeısoq adamdarǵa satqan" delingen habarlamada.

25 shildede kúdikti qalada saýda úıleriniń birinde zeınetkerden telefonyn sóılesýge surap, keıin oqıǵa ornynan qashyp ketken. Zeınetkerge 30 myń teńge kóleminde shyǵyn keltirgen. 

Departamenttiń habarlaýynsha, kúdiktiniń ústinen Qazaqstannyń qylmystyq kodeksiniń 190-baby ("Alaıaqtyq") boıynsha 4 is qozǵaldy. Sotqa deıingi tergeý amaldary júrip jatyr. Kúdikti ýaqytsha tergeý ızolıatoryna qamaldy. Onyń osy is sekildi qylmysy bar-joǵy tekserilip jatyr.

Nur-Sultan qalasy polısııa departamenti kúdiktiden zardap shekken adamdardy tómendegi mekenjaıǵa kelýin nemese telefondarǵa habarlasýyn suraıdy:

Beıbitshilik kóshesi, №19

8 (7172) 71-61-51; 71-60-69, 8-702-500-97-29 nemese "102".

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir