06 Tamyz, 2020 NEWS

Esik qalasynda janarmaı beketiniń janynda jarylys boldy

Oqıǵa ornynan túsirilgen foto

Almaty oblysy Esik qalasynda arty jarylysqa ulasqan jol apaty boldy. Bul týraly tótenshe jaǵdaılar departamentiniń baspasóz qyzmeti habarlady.

"6 tamyz saǵat 10:15 shamasynda Almaty oblysy Eńbekshiqazaq aýdany Esik qalasy  "Álem Oıl" janarmaı beketiniń aýmaǵynda Land Cruiser Prado avtokóligi gaz sısternasyna soǵylyp, saldarynan jarylys týyndap, Hyundai Tucson jáne Land Cruiser Prado kólikteri órtendi. Sonymen qatar 700 sharshy metr aýmaqty alatyn qurǵaq shóp órtke orandy. Almaty oblysy tótenshe jaǵdaı departamenti órtti saǵat 10:52-de aýyzdyqtady" delingen jergilikti TJD baspasóz qyzmetiniń málimdemesinde.

Oqıǵa saldarynan denesin kúıik shalǵan 72 jastaǵy Land Cruiser Prado kóliginiń júrgizýshisi aýrýhanaǵa jetkizildi. Denesiniń 90%-y kúıip qalǵan, qazirgi kezde aýyr halde jatyr. Ekinshi zardap shekken adam 1990 jylǵy janarmaı beketiniń qyzmetkeri. Keýde tusynan jaraqat alǵan azamat medısınalyq kómek kórsetilgennen keıin úıine bosatyldy.

Janarmaı beketine jaqyn ornalasqan kópqabatty jáne jer úılerge órtten zaqym kelgen joq.

Ilmek sózder: órt

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir