Bıznestiń áleýmettik jaýapkershiligi: Almatylyq kompanııa qalanyń medmekemelerine JQZ berýde

Búgingi kúni Almaty qalasynyń ákimdigi megapolıstiń medısınalyq uıymdaryn jeke qorǵaný zattarymen qamtamasyz etý úshin jan-jaqty sharalardy júzege asyrýda.

Mysaly, EURASIAN MACHINERY kompanııasy Almatyda koronavırýs ınfeksııasynyń taralýyna qarsy kúres aıasynda qalanyń medısınalyq uıymdaryna 2,5 myń jeke qorǵaný zattaryn berýde.

Bul jeke qorǵaný zattary Almaty qalasyndaǵy medısınalyq uıymdarǵa bólinetin bolady. Keshendi zattar ishinde oba aýrýyna qarsy bir rettik kostıýmder, maskalar, qolǵaptar, kózáınekter bar.

«Bizdiń kompanııada muqtaj jandarǵa kómek kórsetý jóninde arnaıy baǵdarlama jasalǵan. Sondyqtan bizdiń COVID-19-ǵa qarsy kúreste belsendilik tanytqymyz keledi. Bul gýmanıtarlyq kómek shaǵyn, biraq koronavırýsqa qarsy kúreske qosqan úlesimiz bolyp tabylady», — dedi EURASIAN MACHINERY kompanııasynyń dırektory Mehmet Irende.

Eske salsaq, keshe Dolce-Pharm otandyq farmkompanııasy bıznestiń áleýmettik jaýapkershiligi aıasynda 100 myń maska berdi, olar shahardaǵy 23 medısınalyq mekeme arasynda bólinip, taratylady.