almaty_akimat
Almatyda birtutas ıntegrasııa qyzmetinde 7 myń KT jáne rentgen zertteýleri, 4 mln astam KT kesekteri (qıyqtary) saqtalǵan. Bul týraly qalalyq Sıfrlandyrý basqarmasynyń basshysy Baıan Qońyrbaev pen IMedHub jobasynyń jetekshisi Renata Ahmad onlaın-brıfıng barysynda aıtty.
Bul jerde radıologııalyq jáne basqa da zertteýler túrlerin saqtaıtyn medısınalyq muraǵat jaıly sóz bolyp otyr. Qazirgi ýaqytta qoımanyń jumys bastaǵanyna 3 aıdan astam ýaqyt boldy. Búginde muraǵatta 7205 rentgen jáne KT zertteýleri jáne 4 mln astam KT kesekteri bar.
«Bizdiń muraǵatty qoldanatyn barlyq dárigerler tek óz aýrýhanasyna ǵana emes, basqa da medısınalyq mekemelerdiń zertteýlerine erkin qol jetkize alady. Biz rentgen arqyly ókpe aýrýyn anyqtaıtyn ıntegrasııalanǵan jasandy ıntellekt qyzmetin usynamyz. Osy baǵytta jumysty jalǵastyryp, basqa da aýrýhanalardy qamtý jumysyn keńeıtetin bolamyz. Aldaǵy ýaqytta búkil Qazaqstan boıynsha qyzmetti engizýdi josparlap otyrmyz», — deıdi Renata
Dárigerler quraldyń kómegimen, naýqastyń emdelý barysynda jasaǵan rentgen keskinderin salystyra otyryp, emdeý qarqynyn kóre alady.
Almaty qalasy ákimdigimen birlese otyryp, emhanalarǵa, aýrýhanalarǵa jáne jeke medısınalyq mekemelerge qyzmetti qosý arqyly jobany ári qaraı keńeıtý josparlanýda. О́tinishti medısınalyq mekemeler imedhub.org veb-saıtynda qaldyra alady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir