Almatylyqtarǵa biliktiligin arttyrý úshin Coursera.org saıtynan 5000 tegin lısenzııa beriledi

Almatylyqtarǵa biliktiligin arttyrý úshin Coursera.org saıtynan 5000 tegin lısenzııa beriledi. Bul jóninde óńirlik kommýnıkasııalar qyzmetiniń alańynda óıken onlaın brıfıngte sıfrovızasııa Basqarmasynyń basshysy Baıan Qońyrbaev habarlady.

Búgingi tańda oqý ornynda bilim alý úshin dárister men praktıkalyq sabaqtarǵa kúndelikti barý qajet emes. Úıden shyqpaı-aq oqyp, bilim alýǵa bolatyn kóptegen veb-saıttar men qyzmetter bar. Bul qyzmetterdiń ishindegi eń úlkeni jáne bedeldisi – Coursera bolyp tabylady.

Almatydaǵy Sıfrlandyrý basqarmasy men jumyspen qamtý ortalyǵy Coursera kompanııasymen álemniń jetekshi ýnıversıtetterine 5000 stýdentti aqysyz qabyldaýǵa múmkindik berý týraly kelisimge qol jetkizdi. Kelisimge sáıkes, oǵan 2020 jyldyń 31 jeltoqsanyna deıin tegin qol jetkizýge bolady. Bul múmkindik tirkeý prosesin 2020 jyldyń 30 qyrkúıegine deıin aıaqtaǵan paıdalanýshylarǵa ǵana beriledi.

Coursera — bul álemniń úzdik ýnıversıtetteriniń onlaın kýrstaryn usynatyn onlaın bilim berý platformasy. Qazirgi ýaqytta onyń 48 elde 200-den astam seriktesi bar. Bul seriktester — Stenford, Pensılvanııa, Prınston, Mıchıgan, Pekın ýnıversıtetteri. Sonymen qatar Coursera IBM, Google jáne PwC sııaqty kompanııalarmen seriktestik ornatty. Bul kompanııalar da Coursera boıynsha kýrstar jasap jatyr.

Coursera qalaı jumys isteıdi? Kýrsqa tapsyrmalar, apta saıynǵy testter jáne qorytyndy emtıhan kiredi jáne kýrs sońynda sertıfıkat beriledi. Ár kýrs uzaqtyǵy-tańdaǵan baǵdarlamaǵa baılanysty 6-10 apta aralyǵyn qamtıdy.

Onlaın-platforma barlyq materıaldardyń bir jerde bolýymen yńǵaıly. О́ıtkeni júıege sózdik, jattyǵý jıyntyqtary biriktirilgen. Munyń bári qajetti baǵdarlamany ońaı izdep, tabýǵa kómetesedi. Kýrstar-jańadan bastaýshylarǵa da, óz deńgeılerin jaqsartqysy keletinderge de jaramdy.

Qalaı ótinish berýge bolady? Álemdegi eń jaqsy bilim beretin saıttardyń kýrstaryna qatysý úshin, aty-jóni, qyzmet túri jáne elektrondy poshtasy kórsetilgen ótinishti [email protected] elektrondy meken-jaıyna jiberý kerek. Sodan keıin elektrondy poshtaǵa shaqyrý habary jiberiledi. Tirkelgennen keıin saıtta usynylǵan kez-kelgen kýrstardy, mysaly IT, qoldanbaly jáne gýmanıtarlyq ǵylymdar, ekonomıka, medısına, menedjment jáne marketıng jáne t. b. kýrstaryn tańdaı alady.

О́tinimnen keıin 5 kún ishinde jaýap keledi. Eger jeke kabınet eki aptadan artyq qoldanylmasa, birden joıylady. Bilim alýshylar sany shekteýli, ıaǵnı 5000 adam.