• USD 468.56

  • EUR 497.56

  • RUB 7.3

  • CNY 67.18

29 Naýryz, 10:29:13
Almaty
+35°

Almaty qalalyq balalar juqpaly aýrýlar klınıkalyq aýrýhanasynyń epıdemıology Baıansulý Tabınova megapolıs aýmaǵynda júrgiziletin dezınfeksııalyq jumystardyń qajettiligi týraly aıtyp berdi.

Onyń pikirinshe, júrgizilgen dezınfeksııa koronavırýs ınfeksııasynyń taralýyn jáne pnevmonııa túrindegi aýrýdyń asqynýlaryn azaıtady.

«Elimizdegi qaýipti epıdemııaǵa baılanysty dezınfeksııa belsendi túrde júrgizilýde. Tazalyq jumystary kóbine qoǵamdyq kólikterde, saıabaqtarda, oıyn alańdarynda, ıaǵnı, qoǵamdyq oryndarda jasalyp jatyr. Dezınfeksııanyń eń basty mańyzy - vırýstyń adamdar arasynda taralýyn boldyrmaý jáne patogendik mıkroorganızmderdi joıý bolyp tabylady», — dep tolyqtyrdy Baıansýlý Tabınova.

Dezınfeksııa jasaý úshin tek Qazaqstan Respýblıkasy jáne Keden odaǵy elderi aýmaǵynda qoldanýǵa ruqsat etilgen preparttar ǵana paıdalanylatynyn maman aıtyp ótti. Dezınfeksııalyq eritindi qatań nusqaýlarǵa sáıkes daıyndalady.

Sondaı-aq qoǵamdyq oryndarda júrgizilip jatqan tazalyq jumystary- vırýstyń taralmaýyna tikeleı áser etetindigin aıtty.

«Dezınfeksııa – vırýsty pnevmonııany týdyrmaıdy, óıtkeni ol vırýsty pnevmonııany týdyratyn vırýs qozdyrǵyshtaryn joıady. Qazirgi zamanaýı dezınfeksııa jasaıtyn quraldar qaýiptiligi jaǵynan 4-shi topqa jatady. Bul- eń tómen qaýipti bildiredi. Sondyqtan bul adam jáne janýarlar ómirine qaýipsiz ekendigin aıtqym keledi», — dedi Baıansulý Tabınova.

Koronavırýs ınfeksııasynyń taralýyn aldyn alý maqsatynda, Almaty qalasynyń qoǵamdyq oryndarynda keń kólemdi dezınfeksııa júrgizilip jatqandyǵyn esterińizge sala ketkemiz keledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir