29 Shilde, 2020 NEWS

"Almatyda Qurban aıt kúnderi qurbandyqqa shalynǵan etti muqtaj jandarǵa jetkizip berý uıymdastyrylady"

Ashyq derekkóz

Almatyda Qurban aıt kúnderi qurbandyqqa shalynǵan etti muqtaj jandarǵa jetkizip berý uıymdastyrylady — ımamdar meshitterge jappaı kelmeýge shaqyrýda.

Bıylǵy jyly Qurban aıt dástúrli merekesiniń aıasynda meshit janynda qurbandyq shalynbaıdy.

Bul týraly Almaty qalasynyń óńirlik kommýnıkasııalar qyzmetiniń alańyndaǵy onlaın brıfıng barysynda Almaty qalasynyń Bostandyq aýdanynyń «Baıken» meshitiniń Bas ımamy Danııar Jumabaev aıtty.

Karantındik shekteý sharalaryna baılanysty meshitter janynda qurbandyq shalynbaıdy jáne onyń eti taratylmaıdy.

«Qurbandyqqa shalynǵan etti alýǵa ótinish bildirgenderge meshitke kelýdiń qajeti joq. Qurbandyq eti arnaıy qurylǵan shtab arqyly júzege asyrylyp, muqtaj jandardyń úılerine jetkiziledi», — dedi Danııar Jumabaev.

Imam karantın talaptaryn saqtaý úshin Almaty qalasynyń meshitterinde merekelik Aıt namazy oqylmaıtynyn aıtty.

Qurbandyq shalýǵa ótinish berý jáne muqtaj, az qamtylǵan qala turǵyndarynyń et alýǵa qaldyrǵan ótinishterin alý Qurban2020.kz saıty arqyly 24 shildeden 30 shilde aralyǵynda júrgiziledi. 2 jáne 3 tamyz kúnderi qurbandyqqa shalynǵan et taratylady.

Qosymsha aqparat alý úshin baılanys telefondary: 8(700)7197622, 8(727)3976390.

Ilmek sózder: Qurban aıt Almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir