COVID-19-ben baılanysty, karantın sharalarynyń engizilgenine qaramastan, Almatynyń onkologııalyq ortalyǵy naýqastardy ambýlatorlyq qabyldap, dıagnostıkalyq zertteý jáne naýqastarǵa emdeý júrgizedi.

Almatylyq onkologııalyq ortalyq dırektory Nursultan Izmaǵambetov óńirlik kommýnıkasııalar qyzmetindegi onlaın ıntervıý barysynda koronavırýs pandemııasy kezinde onkologııalyq aýrýlarmen aýyratyn adamdarǵa medısınalyq kómek kórsetý boıynsha jumystar qalaı ótetinin aıtty.

Aıtylǵan aqparatqa sáıkes, Almatyda jyl saıyn tórt myńǵa jýyq qaterli isik aýrýlary anyqtalady. Alǵashqy jartyjyldyqta Ortalyqta jeti myńnan astam naýqas emdeldi.

«Búgingi tańda shamamen myńǵa jýyq operasııalar jasaldy, bes jarym myńǵa jýyq adam hımııaterapııa kýrsyn aldy jáne 500 adam sáýlemen emdeýden ótti. Bizdiń negizgi mindeti – naýqastardy erterek anyqtaý, 100% emdeýmen qamtamasyz etildi», — dep atap ótti ol.

N. Izbaǵambetov pandemııa kezinde onkonaýqastarmen baılanysty dárigerlerdiń baqylaýymen bólisti.

«Biz shyndyǵynda ózimizdiń terapııamyzben barlyq naýqastardyń ımmýnıtetin aýyr preparzdyń attarmen jáne sáýle terapııasymen basamyz. Biraq bir qyzyqty baqyladyq, osy emderdi alǵan naýqastarymyzdyń arasynda COVID-19 juqtyrǵandar sany az. Halyqaralyq tájirıbeni saraptaı otyra, dárigerler qaterli isik aýrýlaryna qarsy qoldanylatyn preparattardy qoldaný koronavırýs ınfeksııasyn da basatynyn baıqaǵan», — dedi ol, alaıda bul aqparat koronavırýs ınfeksııasyn emdeýde aýyr preparattardy qoldanýǵa usynylmaıtynyn atap ótti.

Sonymen birge, Nursultan Izbaǵambetov dárilik qamtamasyz etýge qatysty suraqtarǵa túsinikteme berdi. Ortalyq qajetti dárilik preparattar qorymen qamtamasyz etiledi.

«Bizdiń jumysymyzdyń árbir kezeńinde biz Medısınalyq saqtandyrý qorymen jáne dárilermen qamtamasyz etýde "SK-Farmasııa" JShS ókilderimen yntymaqtastyqtamyz. Ortalyqtyń barlyq dárigerleri dárilik preparattarmen tolyq qamtamasyz etiledi», — dep habarlady N. Izbaǵambetov.

«Elimizdiń barlyq onkologııalyq ortalyqtary sııaqty bizdiń aýrýhana barlyq preparattarmen "SK-Farmasııa" kompanııasy arqyly qamtamasyz etiledi. Bıylǵy jyly qańtarda biz preparattardyń jartyjyldyq qoryn aldyq, COVID-19 jáne shekaranyń jabylǵanyna, áýe qatynastarynyń úzilgenine qaramastan, biz aıtarlyqtaı qıyndyq kórmedik», — dep atap ótken ol súıektegi metostazany emdeýge arnalǵan preparattar toby maýsym aıyna jetkenin aıtyp tolyqtyrdy.

О́z kezeginde Almaty qalasynyń ákimdigi, jekeleı alǵanda, Almaty qalasynyń Qoǵamdyq densaýlyq saqtaý basqarmasy osy máselege jaýapty organ retinde dárilik preparattarmen qamtamasyz etilý, qarjylandyrý jáne basqa da uıymdastyrý máselelerin qadaǵalaıdy. Ortalyqtyń bas dárigeri atap ótkendeı, qazirgi ýaqytta olardyń qamtamasyz etilý máselesi sheshilýde.

Ilmek sózder: COVID-19 Almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir