24 Shilde, 2020 NEWS

Qurǵaq shópter janynda órt tutatýǵa bolmaıdy — Almaty TJD órtke qarsy qaýipsizdik sharalary týraly eske salady

egemen.kz

Almaty qalasynyń óńirlik kommýnıkasııalar qyzmetinde ótken brıfıng barysynda TJD basshysynyń orynbasary Arman Baıgelov qala turǵyndaryn órtke qarsy qaýipsizdik sharalaryn saqtaýǵa shaqyrdy.

Búgingi tańda oryn alýy múmkin órtterdiń aldyn alý maqsatynda TJD qyzmetkerlerimen keshendi aldyn alý sharalary júrgiziledi. Atap aıtqanda, qala aýdandarynyń ákimdikterimen birlesip, ashyq aýmaqtarǵa japsarlas avtomobıldi jáne temirjol boıynda mıneraldanǵan jolaq (jol) qurý boıynsha sharalar júrgizilýde.

Alataý, Bostandyq, Medeý, Jetisý, Naýryzbaı jáne Túrksib aýdandarynyń ákimdikterimen 65 shaqyrym jol men dalamen japsarlasqan oryndarda jekemenshik sektor jalpy aýmaǵy 90,5 ga bolatyn qurǵaq shóp shabyldy.

«Aldyn alý sharalaryn tamyz aıynda, ıaǵnı, kúnnen tutanýy múmkin shóp joǵary qaýip tóndirmegen kezde aıaqtaý josparlanýda», — dedi Arman Baıgelov.

Ol jaqyn ornalasqan aýmaqty retke keltirý úshin keıbir adamdardyń kepken shóp pen qoqysty ádeıi jaǵatynyn jáne onyń óte qaýipti ekenin atap ótti.

Arman Baıgelov atap ótkendeı, qurǵaq shóp pen qoqys órtengen kezde ottyń jaqyn ornalasqan turǵyn úılerge, janar-jaǵarmaı quıý stansııalaryna, munaı bazalaryna, qurylysqa, ǵımarattarǵa taralý múmkindigi artyp, ómir úshin qaýip tóndirip, materıaldyq shyǵyn keltirýi múmkin.

Qabyldanǵan sharalarǵa qaramastan, órtke qarsy qaýipsizdik sharalaryn saqtamaý sebebinen qala aýmaǵynda ashyq aýmaqtarda 285 qurǵaq shópter men qoqystardyń janý oqıǵasy oryn aldy, onyń jalpy aýmaǵy 350 myń sharshy metrdi nemese 35 ga qurady.

Aǵymdaǵy jyldyń 16 naýryzynda bir kúnniń ishinde qala aýmaǵynda birden 21 órt boldy. Olardyń ishindegi eń iri órt Medeý aýdanynyń Dýman yqsham aýdanynda jáne Túrksib aýdanyndaǵy Qaırat yqsham aýdanynda oryn aldy. Atalǵan aýdandardyń árqaısysynyń janý alańy 30 000 sharshy metrdi (3 ga) qurady.

20 shildede kúndizgi ýaqytta Alataý aýdanynyń «Tomırıs» shaǵyn aýdanynda janǵan qurǵaq shóp 5000 sharshy metr alańdy qamtyp, turǵyn úılerge taralý qaýpi týyndady. О́rtti sóndirýge 25 órt sóndirýshi jáne 5 birlik tehnıka jumyldyryldy. Dál osy kúni Medeý aýdanynyń Qulja traktindegi janǵan qurǵaq shóptiń jalpy aýmaǵy 1200 sharshy metrdi qurady, 21 shilde kúni órt sóndirýshiler Alataý jáne Naýryzbaı aýdandarynda jalpy aýmaǵy 600 sharshy metrden asatyn úsh órttiń aldyn aldy.

О́rtke qaýipti kezeń bastalǵaly qurǵaq shóp órtenýdiń 295 oqıǵasy oryn aldy. Jalpy alǵanda órtený aýmaǵy 350 myń. sharshy metrdi nemese 35 ga qurady.

Osyǵan baılanysty, TJ Departamenti ońtústik astananyń turǵyndary men qala qonaqtaryn qurǵaq jáne ystyq aýa raıyn eskere otyryp:
- qýraǵan shópterge temeki qaldyqtaryn tastamaýǵa;
- qurǵaq ósimdikterdiń janynda ot jaqpaýǵa;
- ot tutanyp ketý qaýpi bar synǵan shynylar men bos qutylardy qaldyrmaýǵa shaqyrady.

Aýyr zardaptar oryn alǵan jaǵdaıda kináli adamdar ákimshilik jáne qylmystyq jaýapkershilikke tartylatyn bolady.

Ilmek sózder: Arman Baıgelov Almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir