05 Tamyz, 2020 NEWS
Vıdeodan skrınshot
Mańǵystaý oblysynyń Qaraqııa aýdanynda Atyraýdan kelgen taksı júrgizýshisi basqarǵan Toyota Alphard shaǵyn kóligi apatqa ushyrady. Bul týraly azh.kz saıty habarlady.
"5 tamyz saǵat 09.00-de "Aqtaý-Jańaózen" tas jolynda jol-kólik oqıǵasy boldy. Toyota Alphard avtokóliginiń júrgizýshisi rýldi basqara almaı, apatqa ushyrady. Saldarynan 4 adam qaıtys boldy, al 3 adam men shaǵyn avtobýstyń júrgizýshisi túrli dárejedegi jaraqattarmen jergilikti aýrýhanaǵa jetkizildi", delingen habarlamada.
Oblystyń polısııa departamenti qylmystyq kodekstiń 345-baby, 4-bóligi (kólik quraldaryn basqaratyn adamdardyń jol erejesin buzýy nemese kólik quraldaryn paıdalanýy, abaısyzda eki nemese odan da kóp adamnyń ólimine ákep soqtyrýy) boıynsha isti tirkeýge aldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir