05 Tamyz, 2020 NEWS

Toqaev muǵalimderdiń jalaqysyn 25%-ǵa arttyrýdy qamtamasyz etýdi tapsyrdy

Sýret Aqorda saıtynan alynǵan

Qazaqstan prezıdenti Qasym-Jomart Toqaev bilim jáne ǵylym mınıstri Ashat Aımahambetovty qabyldady, dep habarlady Aqorda saıty.
 
Aımaǵambetov Toqaevqa bilim jáne ǵylym mınıstrliginiń jańa oqý jylyna daıyndyq jáne buǵan deıin berilgen tapsyrmalardyń oryndalý barysy jaıynda esep berdi.

Prezıdent jańa oqý jylyn durys uıymdastyrýdyń mańyzdy ekenin eskertti. Ásirese qashyqtan oqytý kezinde áleýmettik az qamtylǵan otbasylardan shyqqan balalarǵa qoldaý kórsetý qajettigine basa nazar aýdardy.

Memleket basshysy bilim jáne ǵylym mınıstrine pedagogterdiń mártebesin kóterý jónindegi jumysty jalǵastyrýdy, ustazdardy negizgi qyzmetinen bólek jumysqa jumyldyrmaýdy jáne 2021 jylǵy qańtar aıyna josparlanǵan muǵalimderdiń jalaqysyn 25%-ǵa arttyrýdy qamtamasyz etýdi tapsyrdy.

Sondaı-aq Qasym-Jomart Toqaev joǵary oqý oryndarynyń akademııalyq derbestigin odan ári keńeıtý, joǵary bilimniń sapasyn arttyrý jáne JOO-daǵy ǵylymdy damytý týraly tapsyrma berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir