05 Tamyz, 2020 Almaty oblysy

Eń úzdik erikti: Nurbol Ahmetbaı 34 otbasyna azyq-túlik taratqan

Kórneki sýret

Sarqan aýdanynyń «Paryz» jáne «Jalyn Júrek» qoǵamdyq birlestikterinde 118 erikti bar. Olar elimizde Tótenshe jaǵdaı jarııalanǵanyna baılanysty «Meırimdi Jetisý» aksııasy aıasynda aýdandaǵy demeýshilerdiń qoldaýymen kópbalaly otbasy,  áleýmettik jaǵdaıy tómen jáne múmkindigi shekteýli jandarǵa azyq-túlik, antıseptıkter taratty.

Baryn joq-jitikpen bólisip, el súıiner qaıyrymdylyq jasap, abyroıly bolyp júrgen jomarttar 245 otbasyna járdemdesti. Eriktiler aýdan ortalyqtarynda jáne aýyldyq okrýgterindegi qarttarǵa qamqorlyq kórsetý, jastardy úlkenderge qurmetpen qaraýǵa tárbıeleý maqsatynda  jalǵyz basty qarııalarymyzdyń únemi úılerine baryp, qal jaǵdaılaryn bilip, úı aýlasyn tazartyp, otyndaryn shaýyp, kómek qolyn sozyp turady. Qazirdiń ózinde 47 otbasyna járdemdesti.

Kúlli álemdi dúrliktirgen indet elimizde de órship tur. Desede óz basyn qaterge tigip, koronavırýs ınfeksııasymen kúresip jatqan aq halatty abzal jandardyń eńbekteri orasan zor. Osyndaı qıyn kezeńde ınfeksııamen kúresýge jumylǵan dárigerlerge Sarqan aýdanynyń  eriktileri qosylyp, Juqpaly aýrýlar aýrýhanasynyń dárigerlerine 30 lıtr qymyz jetkizip, óz úlesterin qosty. Aýdan boıynsha eń úzdik erikti Nýrbol Ahmetbaı  «Meırimdi Jetisý» aksııasy aıasynda 34 otbasyǵa demeýshilerimizdiń qoldaýymen berilgen azyq-túlikti taratty. Aýdanda kópke úlgi bolatyn eriktiler jeterlik. Qıyn sátte el bolyp, judyryqtaı jumylsaq, qıynshylyqtyń barlyǵyn jeńip shyǵamyz.

Ilmek sózder: qaıyrymdylyq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir