31 Shilde, 2020 NEWS

Almaty oblysynda 11225 otbasyna et taratyldy

Kórneki sýret

Almaty oblysynda 11225 otbasyna et taratyldy. Bul týraly Jýrnalıster úıinde ótken brıfıngte málim boldy.

Pandemııaǵa baılanysty bıyl Almaty oblysynyń turǵyndary Qurban aıt merekesin jańa erejeler boıynsha atap óttiQazaqstan musylmandary dinı basqarmasy Taldyqorǵan óńiri boıynsha bas ımamy Ardaq Orazbaevtyń bastamasy boıynsha qasıetti musylman meıramyna daıyndyq ádettegiden erterek bastaldy.

– Bıyl karantındik sharalarǵa sáıkes jáne qatań sanıtarlyq normalardy saqtaı otyryp, Taldyqorǵanda arnaıy bólingen jerde 1 túıe, 56 iri qara, 611 usaq múıizdi iri qara qurbandyqqa shalyndy. Al avtoeriktiler (múmkindigi shekteýli jandardy tegin tasymaldaıtyn kólik júrgizýshileri) 5531 muqtaj jáne kópbalaly otbasyna, týa bitken aýrýlary bar adamdarǵa, qart adamdar men aýrýhanalarǵa et jetkizdi, – dedi Ardaq Orazbaev.

Jalpy 31 shilde men 2 tamyz aralyǵynda Almaty oblysy boıynsha 1 túıe, 145 bas iri qara jáne 3409 bas usaq mal soıyldy. Al 400-ge jýyq erikti 11 225 muqtaj otbasyna et jetkizdi. Mysaly, onlaın ótinim arqyly Alakól aýdany boıynsha barlyǵy 17 iri qara jáne 530 usaq mal qurbandyqqa shalyndy. Al et 1064 muqtaj otbasyna taratyldy. Kerbulaq aýdanynda "Maıtóbe et" JShS mal soıý pýnktinde 47 bas iri qara men 12 bas qoı soıyldy. Bul aýdanda da eriktiler 636 kópbalaly jáne az qamtylǵan otbasylarǵa et jetkizdi. Sondaı-aq, Qurban aıt merekesi kezinde Eskeldi aýdany boıynsha 15 bas iri qara, 321 usaq mal soıylyp, onyń eti 865 kópbalaly jáne az qamtylǵan otbasyna taratyldy.

Eske salaıyq, onlaın rejıminde qurbandyq shalý oblystyń barlyq aýdandary men qalalarynda 25 arnaıy belgilengen aýmaqta ótti.

Ilmek sózder: et qurban aıt

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir