Neırohırýrg-dáriger Áset Qydyrov
Túrkistan oblysynda mı tamyry zaqymdalǵan júkti áıel aman qaldy. Naýqas kelinshek oblystyq klınıkalyq aýrýhanaǵa ıshemııalyq ınsýlt dıagnozymen aýyr halde jetkizilgen bolatyn.
Túrkistan qalasynyń 36 jastaǵy turǵyny Aıjan Súleımenova júktiliktiń 10-shy aptasynda. Mıynyń qan tamyry zaqymdalyp, ómirine qaýip tóngen naýqasqa dárigerler shuǵyl túrde ota jasaǵan. Qazir jas kelinshek pen qursaqtaǵy balanyń ómirine tóngen qaýip seıilgen. Oǵan eki saǵat boıy ota neırohırýrg-dáriger Áset Qydyrov ómirine arasha bolyp, kásıbi biliktiligin dáleldedi.
Dárigerdiń aıtýynsha, ınsýlt aýrýy qazirgi tańda jastar arasynda da jıi kezdesýde. Bastysy otadan keıin de dáriger nusqaýlaryn buljytpaı oryndaý qajet. О́z kezeginde jas kelinshektiń aq halatty jandarǵa alǵysyn jaýdyrýda.
«Qol-aıaǵym istemeı, óte aýyr halge túsip qaldym. Osy aýrýhanaǵa kelip, emime shıpa taptym. Dárigerlerge sheksiz alǵys aıtamyn», - dedi Aıjan Súleımenova.
Sátti ota aýrýhananyń osydan úsh jyl buryn ashylǵan rentgendik hırýrgııa bóliminde jasaldy. Atalǵan bólimde zamanaýı medısınalyq rentgen apparatny qoldaný arqyly bas mı tamyrlarynyń zaqymdalýynda, júrek, qaterli isik pen ýrologııalyq jáne basqa da aýrýlarǵa baılanysty 30-ǵa jýyq ota sátti júzege asyrylǵan
Bıyldan bastap tipti júrek qan tamyrlarynda koronagrafııa men stendteý ádisimen ota jasaý qolǵa alynǵan. Jyl basynan beri bilikti dárigerler quramy 360 sátti ota jasap, talaı jannyń ómirin saqtap qalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir