Vıse-mınıstr Marat Shoranov bir áıeldi ólimnen aman alyp qaldy

Densaýlyq saqtaý vıse-mınıstri Marat Shoranov tynys alý qıyndaǵan áıeldi aman alyp qaldy. Bul týraly vedomstvanyń baspasóz qyzmeti habarlady.

Oqıǵa 3 tamyz kúni bolǵan. Marat Shoranov jumysqa kelgen kezde 5-podezdegi satydan 1969 jylǵy áıel joǵaryǵa kóterilip bara jatqanyn kórgen. Áıel kenetten esinen aıyrylyp, jerge qulap túsken.

"Shoranov áıeldi ustap qaldy. Ol áıeldiń túri bozaryp ketkenin, tunshyǵyp jatqanyn kórgen. Vıse-mınıstr medısınalyq tájirıbesiniń arqasynda áıelge jedel medısınalyq kómek kórsetken. Sondaı-aq ol júrgizýshige kólikten buraǵysh alyp kelý keregin aıtqan. Vıse-mınıstr ony qajet jaǵdaıda áıel demala alýy úshin moınynan tesik jasamaq bolǵany" delingen habarlamada.

Alǵashqy medısınalyq kómek alǵan soń áıel tynys ala bastaǵan. Keıin ony jedel járdem qyzmeti aýrýhanadaǵy jalpy hırýrgııa jáne proktologııa bólimine jetkizdi. Vıse-mınıstr aman alyp qalǵan áıelge dárigerler "ótkir jabysqaq ishek ótimsizdigi" dıagnozyn qoıǵan.