Mınıstrlik jańa oqý jylyndaǵy sońǵy ózgeristerdi habarlady

Bilim jáne ǵylym mınıstri qashyqtan oqytý formatynda bastalatyn jańa oqý jylyna baılanysty tyń jańalyqtarmen bólisti.

Orta bilim boıynsha shalǵaıdaǵy eldi mekenderdegi shaǵyn jınaqtalǵan mektepter epıdemıologııalyq ahýal jaqsy bolǵan jaǵdaıda oqýdy dástúrli túrde bastaıdy.

Bastaýysh synyptarda ata-analardyń ótinishi boıynsha qatań sanıtarlyq talaptardy saqtaı otyryp, kezekshi synyptar jumys isteıtin bolady. Bir synypta bala sany 15-ten aspaıdy. Kezekshi synyptarǵa ótinishter elektrondy túrde (synyp jetekshisi arqyly) qabyldanady.

Qashyqtan oqytý formatynda – 2,6 mln (79%), kezekshi synyptarda – 530 myń (17%), shtattyq túrde aýyldarda 157 myńnan astam oqýshy (4%) bilim alady dep josparlanǵan.

Mektepke deıingi uıymdarda ata-analardyń qalaýy boıynsha balalar kezekshi toptarǵa qabyldanady. Bul toptarda bala sany 15-ten aspaýǵa tıis.

Qosymsha bilim berý uıymdarynda balalar ata-analardyń ótinishi negizinde qashyqtan nemese jeke tártippen uıymdastyrylady. Shaǵyn toptardaǵy bala sany 5-ten aspaýy tıis.

Arnaıy bilim berý uıymdary ata-analardyń tańdaýy boıynsha arnaıy onlaın keńes berý nemese mamandardyń jeke qabyldaýlary uıymdastyrylady. Densaýlyǵynda kúrdeli problemalary bar balalardy qabyldaý aldyn ala jazylý tártibimen jeke júrgiziledi.