04 Tamyz, 2020 NEWS

Aqtaýdaǵy jerleý rásimi. Qala turǵyndary oblystyq polısııa bastyǵynyń qyzmetinen ketýin talap etýde (vıdeo)

qamshy.kz

Aqtaýlyq belsendiler oblystyq polısııa departamentiniń bastyǵy general-maıor Janarbek Baqtybaev pen oblystyq densaýlyq saqtaý dárigeri Erǵalı Sydymanovtyń otstavkaǵa ketýin talap etýde. Oǵan sebep oblystyń burynǵy polısııa bastyǵynyń anasyn jerleý rásimine kelýshilerdiń kóp bolýy. Bul týraly astanatv.kz habarlady.

Vıdeoda jerleý rásimine karantınniń kúsheıtilgenine qaramastan, júzdegen qala turǵyny jınalǵan. Tártip saqshylarynyń joldy jaýyp tastaýy adamdardyń narazylyǵyn týdyrǵan. 

Turǵyndar "olarǵa ruqsat, bizge joq" dep ashýly.

Polısııa basqarmasynyń qazirgi basshysy bir kún buryn qala turǵyndarynan toı jasamaýǵa jáne karantın talaptaryn qatań saqtaýǵa shaqyrǵan bolatyn.

Muhtar Úmbetov atty qala turǵyny polısııa bastyǵy men bas sanıtar dáriger jumystan bosatylýy kerek dep esepteıdi.

– Mańǵystaý oblysynyń polısııa bastyǵy men bas sanıtar dáriger jumystan bosatylýy kerek. Búgingi is-sharaǵa qatysqan barlyq laýazymdy tulǵalarǵa qatysty qyzmettik tergeý júrgizilýge tıis. Osy adamdardyń barlyǵyna ákimshilik aıyppul salynsyn, qyzmet pen uıymdastyrýshylarǵa tártiptik jaza qoldanylsyn. Men qaraly otbasyǵa kóńil aıtamyn, hattama jasalyp, barlyq qarapaıym azamattar sııaqty olarǵa da aıyppul salsyn, – dedi ol.

Keıinnen oblystyń polısııa basqarmasy marqumnyń týystaryna qatysty QR Ákimshilik quqyq buzýshylyq týraly kodeksiniń 425-baby (halyqtyń sanıtarlyq-epıdemıologııalyq salaýattylyǵy salasyndaǵy zańnamanyń talaptaryn, sondaı-aq gıgıenalyq normalardy buzý) boıynsha ákimshilik hattama toltyrylǵanyn habarlady.

– Atalǵan oqıǵa boıynsha is oblystyń sanıtarlyq-epıdemııalogııalyq baqylaý organdaryna jiberildi. Marqumnyń týystarynyń sózinshe, jınalǵandardyń kóbi olardyń týystary. Áleýmettik araqashyqtyq saqtap, barlyǵy da betperde kıgen, – dedi oblystyń polısııa departamentiniń ókilderi. 

BQO polısııa bóliminiń bastyǵy óziniń áleýmettik jelidegi paraqshasynda qoǵamda rezonans týdyrǵan jaǵdaıdy túsindirip, týystarynan jerleýge kelmeýin suraǵanyn aıtty.

– Anamyzdy sońǵy saparǵa shyǵaryp salýǵa kelgenderdiń barlyǵyna shyn júrekten alǵys aıtamyn. Kóptegen azamattar janashyrlyqtaryn bildirýde. Jerleý rásimine kóp adam keledi dep kútpedim. Negizi eske alý men jerleý rásimi kishigirim otbasylyq deńgeıde ótedi dep josparlanǵan bolatyn. Eldegi pandemııaǵa baılanysty biz barlyq týystarǵa jerleýge kelmeýlerin eskerttik. Biz týǵan-týystarymyzǵa eskertkenimizben adamdarǵa kelýge tyıym sala almadyq. Anamyzdy aqtyq saparǵa shyǵaryp salýǵa kelgen adamdardy qurmetteımin, osyndaı qoldaý bildirgenderińizge alǵysym sheksiz. О́kinishke qaraı, endigi rásimderge kelmeýlerińizdi suraımyn. О́zderińizge málim, karantın talaptaryn saqtaýymyz qajet. Bizdi durys túsinip, aıyptamaýyńyzdy suraımyn, – dedi BQO polısııa departamentiniń basshysy Maqsýdhan Ablazımov óziniń áleýmettik jelidegi paraqshasynda.

Jappaı jerleý rásiminen keıin Qazaqstannyń Ishki ister mınıstrligi qyzmettik tergeýdi bastady.

3 tamyzda Aqtaý qalasynyń turǵyndary QR IIM generalynyń anasyn jerleý úshin ortalyq kósheniń qorshaýǵa alynǵanyn aıtyp, narazylyqtaryn bildirgen.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir