04 Tamyz, 2020 NEWS

Janbolat Mamaı: Halyqtyń amanaty oryndaldy

Vıdeodan skrınshot

Kredıt amnıstııasyn jarııalaý bastamasyn kóterip, 100 myńǵa tarta adamnan qol jınaǵan qoǵam belsendisi Janbolat Mamaı men onyń jaqtastary jınalǵan aryzdardy prezıdent ákimshiliginiń kanselıarııasyna ótkizdi.

Buǵan deıin demokratııalyq partııa qurý boıynsha bastamashyl top jetekshisi Janbolat Mamaı pandemııa kezinde halyqtyń turmysy tómendep, áleýmettik jaǵdaıy nasharlaǵanyn aıtyp, osydan birneshe aı buryn birrettik nesıe amnıstııasyn ótkizý bastamasyn kótergen. Bastamany el boıynsha 100 myńǵa jýyq adam qoldaǵan.

Qoǵam belsendisi 4 tamyz saǵat 11:00-de Aqordaǵa 100 myń adamnyń aryzyn tapsyrýǵa baratynyn birneshe kún buryn habarlaǵan. Mamaı men onyń jaqtastary keshe Nur-Sultan qalasyna kelgen.

Ýádeli ýaqytta Aqordaǵa qaraı bettegen belsendilerdi polısııa qyzmetkerleri prezıdent rezıdensııasyna qaraı ótkizbeı turdy.

Artynsha Aqordadan bılik ókili shyǵyp, belsendilermen kelissóz júrgizdi. Kelissóz nátıjesinde belsendilerden 5-6 adam prezıdent ákimshiliginiń kanselıarııasyna kirip, aryzdardy ótkizdi.

Janbolat Mamaıdyń facebook-tegi paraqshasynda júrgen tikeleı efırden belsendilerdiń ǵımarat ishinde aryzdardy túgendep, ótkizgenin kórýge bolady.

Belsendi Janbolat Mamaı "aryzdardy Aqordaǵa tapsyrdyq! Halyqtyń amanaty oryndaldy" dep aıtty.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir