31 Shilde, 2020 NEWS

Almatyda Qurban aıttyń birinshi kúni 1200 muqtaj janǵa et taratyldy

Ashyq derekkóz

Almatyda Qurban aıttyń birinshi kúni 1200 muqtaj janǵa onlaın ótinish boıynsha qurbandyqqa shalynǵan et taratyldy. 

Qurban aıttyń birinshi kúni, 31 shildede Qurban-2020 onlaın platformasy arqyly 296 bas qurbandyq maly, sonymen birge 6 iri mal shalyndy. Muqtaj jandardy qamtý boıygsha barlyq sharalar qolǵa alynǵan. Barlyq qurbandyq eti 1200 muqtaj adamǵa taratyldy. Qubandyqqa shalynǵan etti taratý úshin 80 volonter, 6 shaǵyn avtobýs, 30 jeńil avtokólik tartyldy.

Qalanyń bas memlekettik sanıtar dárigeriniń qaýlysyna sáıkes, koronavırýs ınfeksııasynyń taratpaý maqsatynda 31 shildeden 2 tamyz aralyǵynda kelesi tizimde tyıym salynǵanyn eske salamyz:

- Menshik ıesine qaramastan, barlyq uıymdarda, sonymen birge, jekemenshik úı-jaılar men medreselerde adamdardyń jappaı jınalýymen ótetin sharalardy ótkizýge;
- Almaty qalasynyń aýmaǵynda avtokólikter arqyly mal soıysyn uıymdastyrýǵa jáne soıýǵa, jáne jekemenshik úı-jaılarda mal satýǵa;

Sonymen birge, belgilengen merzimde Almaty qalasynyń Ortalyq meshitimen bekitilgen onlaın rejımde qurbandyq shalýdy júzege asyratyn oryndardy qospaǵanda, mal satatyn sehtar men bazarlardyń jumysy toqtatyldy.

Qaýlyny oryndaý maqsatynda Din isteri jónindegi basqarma, Polısııa departamentiniń JPQ, SES jáne veterınarlyq qyzmetkerlerimen meshitterde, bazarlarda, qaıyrymdylyq mekemelerinde, maı soıatyn sehtarda jáne basqa oryndarda kezekshilik uıymdastyrylǵan.

Qazaqstan Musylmandary dinı basqarmasy habarlaǵandaı, 31 shilde kúni belgilenbegen oryndarda mal soıyp, ony satýdyń 14 faktisi anyqtaldy. Azamattardy sanıtarlyq talaptardy saqtaýǵa shaqyramyz, belgilenbegen oryndarda mal soıyp, ony satý koronavırýs ınfeksııasynyń taralýyna ákelýi múmkin. Barlyǵynan qoǵamdyq tártipti buzbaýǵa shaqyramyz.

Ilmek sózder: Almaty Qurban aıt

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir