Alekseı Soı: Eldegi ahýal turaqtaldy dep aıtsam artyq bolmas

Qazaqstanda epıdemıologııalyq ahýal turaqtaldy. Bul týraly densaýlyq saqtaý mınıstri Alekseı Soı ortalyq kommýnıkasııalar qyzmetinde bolyp jatqan onlaın-brıfıngte aıtty.

– Eń aldymen eldegi epıdemıologııalyq ahýalǵa toqtalaıyq. Eldegi ahýal turaqtaldy dep aıtsam artyq bolmas. Qazirgi ýaqytta jaǵdaı turaqtalyp keledi. Qazaqstanda jalpy naýryz aıynan beri 92662 adamnan indet anyqtaldy. Onyń ishinde 30 myńǵa jýyq naýqas emdelýde. Qalǵan naýqastar jazylyp shyqty. Keshegi kúnmen eseptegende,  ókinishke qaraı 1058 adam qaıtys boldy. Búginde koronavırýs juqtyrǵandar sany edáýir azaıyp keledi. Mysaly, bir táýlikte 1069 adamnan koronavırýs  anyqtalyp jatyr. Aýrýhanada dári-dármek jetkilikti. Koronavırýs pen pnemonııaǵa shaldyqqan naýqastarǵa arnalǵan 52000 tósek oryn bar, – dedi mınıstr.