02 Tamyz, 2020 NEWS

Qazaqstanda KVI men pnevmonııanyń biriktirilgen statıstıkasy jarııalandy

Kórneki sýret

Densaýlyq saqtaý mınıstrligi COVID-19 boıynsha jańartylǵan statıstıkanyń alǵashqy nátıjelerin habarlady.

"2020 jyldyń 1 tamyzyndaǵy jaǵdaı boıynsha, COVID-19 zerthanalyq rastalǵan jaǵdaılardyń sany – 1226, sońǵy bir táýlikte 36 adam qaıtys boldy. Anyqtalmaǵan etıologııasy bar, biraq koronavırýstyq ınfeksııanyń klınıkalyq jáne epıdemıologııalyq belgileri tabylǵan pnevmonııamen aýyrǵandar sany – 5181. О́tken táýlikte pnevmonııa dıagnozymen 30 ólim jaǵdaıy tirkeldi" delingen mınıstrliktiń resmı ókili Baǵdat Qojahmetov facebook-te jarııalanǵan resmı aqparattyq habarlamada.

Qazaqstanda 18 shildeden bastap statıstıkalyq derekterdi esepke alý men qalyptastyrýdyń jańa tásilderi aıqyndalǵan. Mınıstrliktegiler buny COVID-19 jáne pnevmonııa jaǵdaılary boıynsha derekterdiń barynsha ashyqtyǵyn qamtamasyz etý maqsatynda qolǵa alynǵanyn málimdedi.

Buǵan deıin dúnıejúzilik densaýlyq saqtaý uıymy, shetel jáne Qazaqstan ǵalymdary elde órshigen pnevmonııanyń is júzinde koronavırýs ekenin málim etken.

Artynsha prezıdent statıstıkany retke keltirýdi tapsyryp, mınıstrlik joǵarydaǵydaı sheshimge kelgen.

Resmı derek boıynsha elde koronavırýs anyqtalǵan alǵashqy kúnnen búginge deıin 91 593 adam vırýs juqtyrǵan. Onyń 60825-i jazylyp shyqsa, 793 adam qaıtys bolǵan.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir