02 Tamyz, 2020 Saıasat

Densaýlyq saqtaý vıse-mınıstri Oljas Ábishev qamaýǵa alyndy

Foto: kapital.kz

Eks-densaýlyq saqtaý vıse-mınıstri Oljas Ábishev bıýdjet aqshasyn jymqyrdy degen kúdikpen qamaýǵa alyndy. Bul týraly qarjy monıtorıngi komıteti habarlady.

"QR qarjy mıntıstrligi qarjy monıtorıngi komıtetiniń ekonomıkalyq tergeý qyzmetkerleri densaýlyq saqtaý vıse-mınıstri Oljas Ábishevti ustaǵanyn rastaıdy. Ol bıýdjet qarjysyn jymqyrdy degen kúdikke alynǵan. Qylmystyq-prosestik kodekstiń 201-babyna sáıkes, sotqa deıingi tergep-tekserý derekteri jarııa etilmeıdi" delingen komıtet taratqan aqparattyq habarlamada.

Buǵan deıin beısenbide Oljas Ábishev densaýlyq saqtaý vıse-mınıstri qyzmetinen bosatylǵan.

Uzamaı YEDILOV ONLINE telegram kanalynda "Oljas Ábishev ustaldy" delingen vıdeo taraǵan.

Sheneýnik mınıstrlikte sıfrlandyrý jáne aqparattyq qaýipsizdik máselelerine jaýapty bolǵan.

Ilmek sózder: Oljas Ábishev qamaldy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir