"Betime "kıslota" shashyp ketemin dep qorqytady". Muǵalimniń vıdeosyna kúıeýi jaýap berdi (vıdeo)

Qostanaı oblysynyń muǵalimi Aısulý Baıtyqovanyń burynǵy kúıeýi Álibek Baıtyqov ózine taǵylǵan aıypqa jaýap berdi.

Buǵan deıin Aısulý Báıtenova áleýmettik jelide burynǵy kúıeýiniń birneshe jyldan beri jábir kórsetip, qorqytyp kele jatqanyn aıtyp, kómek suraǵan bolatyn.

Keıin muǵalimniń kúıeýi jelige vıdeoúndeý jarııalap, bolǵan jaıtty túsindirdi.

– Men 34 jastamyn. Eki joǵary bilimim, 15 jyldan beri istep kele jatqan súıikti jumysym bar. Jeke ómirimde de bári jaqsy. Qyzym Dıanany jaqsy kóremin. Meni óte jaman adam retinde jazaǵa laıyq er adamdardyń qataryna qosyp qoıǵany aýyr tıdi. Aısulý Báıtenovamen 2013 jyly shańyraq kóterdik. Bir-birimizdi jaqsy kórip, ómir boıy birge bolýdy josparladyq. Alaıda olaı bolmaı shyqty. Oǵan ekeýimiz de kinálimiz.  Birge turǵan kezde de, ajyrasqannan keıin de men shekten shyqqan emespin. Biz qyzymyzdyń tárbıesine kelgende eki túrli kózqarasta boldyq. Eger oǵan qol kótergen bolsam, ózimdi er adam retinde eseptemeıtin edim, – dedi Álibek Báıtenov.

Onyń aıtýynsha, qyzyn anasynan aıyrý týraly oıy bolmaǵan, kóship ketýiniń sebebi basqa adammen kóńil qosýynda deıdi.

– Ol Qarabalyq aýylynan jumystan shyǵyp qalǵany úshin ketip qalǵan joq. Ol sol jaqta bir er adammen kóńil qosty. Árıne, buǵan onyń tolyq qaqysy bar. Biraq meniń janyma qatty tıetini janymnan qyzymnyń alystap ketkeni, – deıdi muǵalimniń burynǵy kúıeýi.

Ishki ister mınıstrligi Qostanaı oblysy polısııa departamenti isti baqylaýǵa alǵanyn habarlady.

 

 

 

Posmotret etý pýblıkasııý v Instagram

 

 

@kstnews.kz @tengrinewskz @kostanay__news @kostanay_news @ng.kz_ @nemolchi.kz @alau.tv

Pýblıkasııa ot Gazeta "Aı̆na" (@ainanews.kz) 30 Iıýl 2020 v 11:38 PDT