30 Shilde, 2020 Almaty oblysy

«Jeńip shyǵamyz»: Kásipkerler Jambyl oblysynyń aýrýhanasyna 20 tósek tartý etti

Foto avtordiki

Almaty oblysy Jambyl aýdanyndaǵy jekemenshik balabaqsha ashqan kásipkerler aýdandyq ortalyq aýrýhanaǵa kómek retinde 20 tósek satyp alyp berdi. Igi bastamaǵa qatysqan jomart jandar aldaǵy ýaqytta saýapty istiń taǵy da jalǵastyratynyn aıtty.

Jambyl aýdanynda jekemenshik balabaqsha ashqan kásip ıeleri jumystarynyń ýaqytsha toqtap turǵanyna qaramastan, aýdandyq ortalyq aýrýhanaǵa tósek alyp berýdi uıǵarypty. Jýyrda jekemenshik balabaqshalardyń bir top quryltaıshysy aýdandyq ortalyq aýrýhanaǵa alǵashqy jıyrma tósekti jetkizdi. Bul – dál qazirgi qıyn jaǵdaıda syrqattanǵandardy aıaqqa turǵyzý úshin asa qajet dúnıeniń biri. Qarǵaly aýylyndaǵy «Aıym» balabaqshasynyń quryltaıshysy Baný Isaeva osy bastamaǵa atsalysqan áriptes kásipkerlerdiń nıetin qosa jetkizdi.

– Búgingideı qıyn-qystaý kezeńde jekemenshik balabaqsha ıeleriniń uıymdasýymen aýdanymyzdyń ortalyq aýrýhanasyna tolyqtaı jabdyqtarymen jıyrma tósek syıladyq. Biz halyqpen árqashan birgemiz. Aýyrmańyzdar. Indetten saqtanaıyq. Osy qıynshylyqtan bárimiz birlese, bir-birimizge kómek qolymyzdy soza otyryp tezirek arylaıyq, – dedi ol.

Kómekti qabyldap alǵan medısına mekemesiniń qyzmetkerleri de kásipkerlerge shynaıy alǵystaryn bildirip, indetpen kúreste jeńiske jetetinderine sendirdi. Osy oraıda juqpaly aýrýlar bólimshesiniń dárigeri Maıra Qudııarova men aýdandyq ortalyq aýrýhana dırektorynyń ádistemelik-uıymdastyrý isi jónindegi orynbasary Natalıa Kravchenko: «Elimizde osyndaı qıyn-qystaý jaǵdaı bolyp jatqanda bir jaǵymyzǵa demeý bolǵan jekemenshik balabaqshalardyń ıelerine rahmet aıtamyz. Buǵan emdelýshilerimiz de rıza bolady degen oıdamyz. Bul qıyndyqty laıyqty eńserip, abyroımen jeńip shyǵamyz», – degen rızashylyq peıilderin bildirdi.

Aıdar QALIEV

Almaty oblysy

Ilmek sózder: Almaty oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir