30 Shilde, 2020 NEWS

"Betime "kıslota" shashyp ketemin dep qorqytady". Muǵalimniń úndeýine mınıstrlik jaýap berdi

Vıdeodan skrınshot

Aısulý Báıtenova atty Qostanaı turǵyny áleýmettik jelide burynǵy kúıeýiniń birneshe jyldan beri jábir kóretip, qorqytyp kele jatqanyn aıtyp kómek surady.

Aısulý Báıtenova Qostanaı oblysy Qarabalyq kentinde bastaýysh synyp muǵalimi bolyp jumys istegen. 2016 jyly ajyrasyp ketken soń, kúıeýi oǵan qoqan-loqqy kórsetip, muǵalimniń jumystan shyǵýyna týra kelgen. Keıin jumysyn kórshi aýdanǵa aýystyrǵan. Qazirgi ýaqytta ol jańa jumys ornyna burynǵy kúıeýi izdep keledi me dep qorqady.

– Men burynǵy kúıeýimmen 2016 jyly ajyrastym. Ol meni uratyn. Sońǵy ret meni urǵan kezinde polısııaǵa aryzdandym. Aryz jazǵannan keıin burynǵy kúıeýimniń tátesi habarlasyp, óziniń úıine meni shaqyrdy. Ol menen aryzymdy qaıtaryp alýdy talap etti. Eger de qaıtaryp almasam "jumystan shyǵaryp jiberemin", "dıplommen aýylǵa baǵdarlamasy arqyly alǵan páterińdi tartyp alamyn" dep qorqytty. Ol kisi – M.A. Saparova gazet redaktory bolyp jumys jasaǵandyqtan, ol jerde onymen eshkim baılanyspaıdy. Sodan amal joq men óz aryzymdy qaıtaryp aldym.

Endi meniń basqa baratyn jerim joq. Ol (burynǵy kúıeýim – red.) betime "kıslota" shashyp ketemin dep qorqytady.  Maǵan tynysh ómir súrýge múmkindik bermeı otyr. Jumystan kele jatqanda úıge kirýge, bir jerge barýǵa qorqamyn. Bolyp jatqan oqıǵalardan balamnyń psıhıkasy buzyldy. Endi Qarabalyq kentinen basqa mektepke jumysqa ornalasqym keledi, biraq ol osy jaqqa da izdep keledi dep qorqamyn, – dedi Aısulý Báıtenova.

Áleýmettik jelide taraǵan vıdeoǵa ishki ister mınıstrligi jaýap berdi.

"Is Qarabalyq aýdanynyń polısııa bólimine tirkeldi. Vıdeoda aıtqan derekterlerge tekserý jumystary júrgiziledi, nátıjesi habarlanady. Sonymen qatar burynǵy erli-zaıyptylar arasyndaǵy qaqtyǵys aýdannyń tıisti organdarynyń nazarynda" delingen mınıstrlik taratqan habarlamada.

Ishki ister mınıstrligi Qostanaı oblysy polısııa departamenti basshylyǵynyń isti baqylaýǵa alǵanyn habarlady.

 

Ilmek sózder: Qostanaı muǵalim

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir