30 Shilde, 2020 Barlyq aımaqtar

Qazaqstanda kóshede maska taǵyp júrý mindetteldi

Qazaqstannyń memlekettik bas sanıtar dárigeri Aıjan Esmaǵambetova 2020 jyldyń 27 shildesinde «Qazaqstan Respýblıkasynyń memlekettik bas sanıtar dárigeriniń 2020 jyldyń 26 maýsymyndaǵy №43 qaýlysyna ózgerister men tolyqtyrýlar engizý týraly» jańa qaýlyǵa qol qoıdy, dep habarlady QazAqparat.

Jańa erejege sáıkes, qazaqstandyqtar jabyq nysandarmen birge kóshede jáne kólikte maska taǵyp júrýge mindetteldi.

Qaýlyda kórsetilgendaı, azamattar myna jaǵdaılarda maska taǵýǵa mindetteledi:

  • jabyq nysandarda (dárihana, dúken, keńse, medısınalyq uıym, halyqqa qyzmet kórsetý salasyndaǵy uıymdar men basqa jerlerde), sonymen birge kólikte jáne kóshede júrgende;
  • COVID-19 aýrýy boıynsha kúdikti adamǵa kómekteskende;
  • koronavırýs ınfeksııasyna uqsas aýrý belgileri paıda bolǵan jaǵdaıda (dene qyzýynyń kóterilýi, jótel nemese túshkirý);

Qaýlynyń bul bóligi mindetti túrde oryndalýy kerek. Talap saqtalmaǵan jaǵdaıda kináliler ákimshilik jaýapkershilikke tartylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir