30 Shilde, 2020 NEWS

Almatyda úsh kún boıy qoǵamdyq kólik júrmeıdi

Almaty kóshesinde júrip bara jatqan qoǵamdyq kólik

31 shilde men 2 tamyz aralyǵynda Almaty qalasynda qoǵamdyq kólik júrmeıtin boldy. Bul týraly Almaty kólik holdıngi habarlady. 

"Bas sanıtarlyq dárigerdiń qaýlysyna sáıkes mereke jáne demalys kúnderi (31 shilde, 1-2 tamyz) Almaty qalasyndaǵy qoǵamdyq kóliktiń, sondaı-aq metropolıtenniń jumysy toqtatylatynyn eske salamyz" delingen kólik holdınginiń telegramdaǵy aqparattyq habarlamasynda.

Koronavırýs ahýalyna baılanysty Almatyda buǵan deıin de birneshe ret qoǵamdyq kóliktiń júrýi shektelgen. Buǵan qosa, jolaýshylarǵa qoǵamdyq kólikte maska taǵý mindettelgen. 

Almaty koronavıýs juqtyrǵandar sany jóninen óńirler arasynda birinshi orynda tur. Sońǵy resmı aqparatqa sáıkes, qalada 11 myńnan astam adamnan Covid-19 ınfeksııasy tabylǵan. Osy ýaqytqa deıin olardyń 7 myńy jazyldy, 111 adam vırýstan qaıtys boldy. 



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir