30 Shilde, 2020 NEWS

Dúnıejúzinde koronavırýs juqtyrǵandar sany 17,1 mıllıonnan asty

Reuters.com

Koronavırýsqa baılanysty álem elderiniń statıstıkasyn jarııalap otyratyn Worldometers.info saıtynyń 30 shildedegi dereginshe, dúnıejúzinde 17,1 mıllıonnan astam adamǵa Covid-19 ınfeksııasy juqqan. Osy ýaqytqa deıin olardyń 670 myńnan astamy kóz jumdy. 

Juqtyrǵandardyń da, ólgenderdiń de tórtten biri AQSh azamattary. Elde 4,5 mıllıonnan astam adamǵa vırýs juǵyp, olardyń 154 myńǵa jýyǵy qaıtys bolǵan. 

Juqtyrǵandar sany jóninen ekinshi orynda turǵan Brazılııada 2,5 mıllıonnan astam adamnan ınfeksııa tabyldy. Al Úndistanda 1,5 mıllıon adam vırýs juqtyrǵan. Qalǵan elderde vırýs juqtyrǵandar sany mıllıonǵa jetken joq. 

408 myńnan astam halqynan Covid-19 tabylǵan Meksıkada adam ólimi kóbeıdi. Bul elde vırýs juqtyrǵandardyń 10 paıyzdan astamy (45 361 adam) qaıtys bolǵan. Meksıka ólim kórsetkishi boıynsha álemde tórtinshi orynda tur. Sońǵy táýlikte elde 485 adam koronavırýstan kóz jumǵan. 

Qazaqstan vırýs juqtyrǵandar sany jóninen 26-orynda. Elde sońǵy táýlikte 1472 adamnan koronavırýs tabyldy. Juqtyrǵandardyń jalpy sany – 87 664.  

 

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir