29 Shilde, 2020 NEWS

Malaızııanyń eks-premeri, Danııar Nazarbaevtyń qaıyn atasy 12 jylǵa qamalýy múmkin

Fotokollaj

Malaızııanyń eks-premeri Nadjıb Razakqa sot jemqorlyq jasady, memlekettik ınfestısııalyq qor qarjysyn jymqyrdy degen aıyppen 12 jylǵa túrmege qamaý týraly úkim shyǵardy, dep jazady holanews.

Nadjıb Razakqa korrýpsııa, qyzmetin asyra paıdalaný, 1MDB qorynyń kómegimen aqsha jymqyrý deregi boıynsha 42 aıyp taǵylyp otyr. Oǵan 49,3 mıllıon dollar aıyppul tóleýge mindetteldi.

Eks-sheneýnik appelıasııalyq shaǵym qaralyp jatqanda ýaqytsha bostandyqta bolady. Ol úlken somada kepil aqsha tólep, eki aptada bir ret polısııaǵa belgilenip turýǵa tıis.

Tergeý barysynda anyqtalǵan derekke sáıkes, aıyptalýshy qor qarjysyn úkimet múshelerin satyp alýǵa, óziniń astyrtyn qorlaryn qarjylandyrýǵa, qymbat buıymdar, kartınalar, jyljymaıtyn múlik satyp alýǵa jumsaǵan.

AQSh bıligi aıyptalýshy ınvestısııalyq qordan 4,5 mıllıard dollardy ıahta, óner buıymdary men lıýks sanattaǵy jyljymaıtyn múlik satyp alýǵa qurtqan dep jobalaıdy.

Al eks-sheneýnińktiń ózi taǵylǵan aıyptaýdyń barlyǵyn teristep otyr. Sózinshe, eshqandaı zańsyz operasııa týraly bilmeıdi.

Nadjıb Razaktyń qyzy Danııar Nazarbaevqa turmysqa shyqqan. Danııar Nazarbaev Qazaqstan eks-prezıdentiniń inisi Bolat Nazarbaevtyń burynǵy áıeli Maıra Qurmanǵalıevanyń uly.

Nadjıb Razak Reuters-ke bergen suhbatynda úıin tintý kezinde tabylǵan 300 qorap qymbat buıymdar men sómkeler ózderine syılyqqa berilgenin, onyń kóbin kúıeý balasy Danııar Nazarbaev syılaǵanyn aıtqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir