20 Shilde, 2020 NEWS

ShQO turǵyny óńirdegi aýrýhanalarǵa KVI-di emdeýge arnalǵan dári-dármekti jiberdi

Foto: ShQO aqparat ortalyǵy

Bolyp jatqan jaǵdaıǵa beıjaı qaramaıtyn kásipker О́skemendegi bir aýrýhanaǵa 45 antıbıotık ıneksııasy men 300 quty deksametazon jáne 2 myń medısınalyq maska jiberdi.
 
"OptoMed" farmasevtıkalyq jelisiniń basshysy Oksana Iаblokovanyń aıtýynsha, ótken aptada kompanııa tapshy medıkamentterdi alǵan.
 
- Biz qabynýǵa qarsy antıbıotıkter, levofloksasın, azıtromısın, deksametazon, parasetamol, aspırın men medısınalyq maskalardy aldyq. Munyń bári koronavırýsty emdeýge kómektesedi. Bizdiń basshylyq aýrýhanalarǵa kómek kórsetý týraly sheshim qabyldady. Fılıaldarymyzda dári-dármek qory jetkilikti, - dedi Oksana Iаblokova.
 
ShQO taýarlar men qyzmetterdiń sapasy men qaýipsizdigin baqylaý departamenti men Shyǵys Qazaqstan oblysynyń kásipkerleri emdeý mekemelerine barlyq kómekti kórsetýde.
 
- Qazirgi ýaqytta barlyq aýrýhanalar dári-dármekpen qamtamasyz etildi. Soǵan qaramastan, bizdiń azamattar kómek berip, dárigerlerge qoldaý kórsetýde. Bul qýantarlyq jaǵdaı. Demek, shyǵysqazaqstandyq naryqta dári-dármek qory jetkilikti. Biz elimizde bolyp jatqan jaǵdaıdan abyroımen shyǵatynymyzǵa senemin, - dedi taýarlar men kórsetiletin qyzmetter sapasyn baqylaý departamentiniń farmasevtıkalyq bólimi basshysynyń orynbasary Nurgúl Qunapııanova.
 
ShQO aqparat ortalyǵy
Ilmek sózder: ShQO dári-dármek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir